Rommi 8:39 - Sumi Naga CL (Re-edited) Bible (BSI)

³⁹ ayeghi shou akeu na aqhou akeu namu, pulhoküsü thime kümtsü gholo kiu nomu ni Mpeu Khristo Jisü vecheo Alhouw kikimiye niw shiluve keu launo ningu küghüxave tsümla nani.

BAIBEL (BSI)

³⁹ ayeghiqha shou akeu na ayeghiqha qhou akeu namu, momu, lhoqhipuakeu yeghiqha kumtsulo kiunomu ningu Mpeu Jisu Khristo gholono Alhou kikimiye ningu wu shiakeu launo khilemu nikughuxavetsu mla nani.

Sümi Tiqhelimi Bible

³⁹ qhemghai keu na thonhei keu na, lhoqhipüa keu kümtsü dolo kiu-kiu shi aghí namu ningu Mpeu Khristo Jisü vechewo Alhou kikimiye akeu lono ningu küghüxa müla nani kepi I no pülübeluvae.

Rommi 8:39 ပူးပေါင်းရင်းမြစ်များ

LESHELE 64:6

Panongu no achipikumo phuju no pi, “Ningu no tsaqütsalei phuju keu phuluvae.” Kughengu timi mlo eno akükümsü alou akeu ye thonhei ke.

AHOLE 20:5

Milakhi lolo akimji akeu ye azü kutho toie, ikemu vethakulumi no ti shophelu nani.

ALE KIMCHI 3:4

I no panongu veche kithishi pa phulue. I no pa valuve no pa sasü I zano kilo I punuu chebo lo ilo moke kutolo pa phevemoe.

ISAIAH 10:33

Julo, Alhou, aqokitikhi MPEU no akümsapu küka lono aloka loqhi nani; shishe chuqumghai keu yeqhive nani eno qhemghai akeu sünheqhive nani.

ISAIAH 24:21

Tipa ghuloki lo Ampeu no atsütsü lo aqokitikhi eno ayeghi lo kükami kümtsü ghime nani.

DANIEL 4:11

Asübo huye thuwuve no akumto shive, eno tipau akemtsü no atsütsü tove, tipau ye ayeghi shekhau kutolo ithulue.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

John 16:27

kughengu Apu ampi no nongu kimiye ani, kughengu nongu no I kimiye eno ni ye Alhou launo ighi kepi pülübe luvae.

John 17:26

I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

Rommi 11:33

O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

Rommi 5:8

ikemu Alhou no Paw kikimiye ni ghenguno akeu piye anipi nino axinemi shiaphi lou no Khristo no ni ghenguno thive tsü.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Rommi 8:35

Khuu no Khristo kikimiye lono ningu küghüxalu nani kea? Aghime kitikhi no keo, kijiküpsa no keo, shikimighi keu no keo, püqümiye no keo, aphikümsa no keo, akümsapu no keo, azütakikihi no kea?

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

2 Kor. 2:11

tishikeu lono Satan pelo ningu shoqave pemo niye ke; kughengu ningu ye pa mqü mthake kumoe.

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

FILIPIAMI 3:12

Ni ye hipau toluva momu kupukülai luve ake piamoe, ikemu Khristo Jisü no I pesü paw shiluve keu ghenguno ni ye azüu hawu cheni.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

FILIPIAMI 3:8

Kuchou loye I Mpeu Khristo Jisü ithive keu meküapu no thokha shoqa luve keu lono ni ye kütau thime ye qhoi avehu küha kepi kihivae. Pa je ghenguno ni ye thime kümtsü phevae, eno tipaqo ye tübatüzü shivae, tishianguno Khristo pesü I la shilu

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

1 John 4:16

Ikehu Alhou no ni ghenguno kikimiye kije akeu ningu no ithitoi luno pülübe luvae. Alhou ye kimiyekiniu ke, khunono kikimiye lo acheni keno Alhou lau kimepe ani eno Alhou no pa sasü kimepe ani.

1 John 4:19

Ningu no kimiye kile chekeu ye Alhou paghino ningu kimiye kehue.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 2:24

Ikemu nongu kütami Thyatira lo akeqo thaqhü, khunono hipau kükütsü pape chemo, eno Satanw kuthoküzü kükütsü ikhilu mphi keno, I no nongu vilo piani, Ni ye kütau makho kiumu nongu xapipe amoe.

Piyeküsü 20:3

aqo lo vesüve, eno tipau khaveno mekhave, tishianguno ampe qhethonhe kutolo pa pelo shiye jeliqo pishiqhi pemo niye ke. Ti kupuve kethiuno ado kitila pa kuqhophe masa nani.

Piyeküsü 20:7

Kughou ampe qhethonhe kishekhani keno Satan ye pa kughuki lono khaqhi pheve nani