Rommi 6:22 - Sumi Naga CL (Re-edited) Bible (BSI)

²² Ikemu itehi nongu ye axine lono kuqhophe pe Alhou qüaxemi shive akehu nongu küxü ikhiphe pe akimthepu lo tsülu keu huno nongu la ke, eno tipau shekuho ye lhokta küxü.

BAIBEL (BSI)

²² Itehi nonguye axine launo kuqhopheveno Alhou quaxemi shiluva, eno nonguye shikimtheve keu ithuluno tipau ashekhaloye lhokta kuxu ithulu nani.

Sümi Tiqhelimi Bible

²² Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

Rommi 6:22 ပူးပေါင်းရင်းမြစ်များ

BOTHUBO 50:17

‘Joseph vilo pilo, “Kimiyeno o mu noqo kipimi eno axine qhive tsülo, kughengu panongu no o lau küsakügha shive ke.”’ Itehi kimiyeno o pu Lhou qemiqo kipimi qhive tsülo.” Kughou panongu no pa pütsa keno Joseph no qauve.

JOB 1:8

Tile AMPEU no Satan vilo pi, “No ye I qeu Job shou kümsü pukuju kema? Kughengu pa toi tukutiye kühano müzüchoi kemi, Alhou sükümsa shi xüno alhoksa lono tsüghüve chekemi ayeghi lo kühae.”

LESHELE 143:12

Ow iqemokeu kikimiye lono Nono I ghümi hathave nani, Nono I ghümi kümtsü kütsave nani, kughengu ni ye O qeu ke.

LESHELE 86:2

I küxü püxü tsülo, kughengu ni ye küpülümi ke; O qeu O pükhü chekeu xalulo, No ye I Lhou ke.

LESHELE 92:14

Panongu ye kitemi shiveke thiu ghi athi pithi cheni panongu ye pülhapuju xüthilei eno mtotoi ke.

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

DANIEL 3:26

Tithiu Nebuchadnezzar no kuchughei keu miphoki hukikha kupunu ighi; pa no asheshu, “Shadrach, Meshach, eno Abednego, Shishe Akiqheu Lhou qemiqo, ipeghive lo eno hilau ighilo!” Tileno Shadrach, Meshach, eno Abednego noqo no ami lono ipeghive.

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

AKIKIHI 23:10

Khuu no Jacob yeghimkhu kihilu momu kikije abidiu kihi luni kea? I pelo amikuchomi kithi thilu pelo, eno I shekuho ye pano toilu pelo!”

MATTHEW 13:40

Alupiqo thaqhü piqhe küqhape ami lono pitive ketoi, tiqheli shekuho lo ghi titoi nani.

MATTHEW 13:43

Ikemu amikuchomi ye panongu Papu kükaqha lo khetsünhe toi vünani. Khuu no akini ani keno pa no chilulo.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

John 4:36

Ghile kuhuu ye ajume ithulu ayae eno lhokta küxü ghenguno athi pekütsü ani, tishianguno apiti kiveu ngo ghile kuhuu pamagha alovi küqha niye ke.

John 8:32

nongu no kuchou ithi nani eno kuchou huno nongu khaqhiphe nani.”

Rommi 6:14

Kughengu nongu ye Ayezah qholo kumono küpükini qholou ani keke axine ye nongu qhasüve mo nani.

Rommi 6:18

eno axine lono kuqhopheve akehu Alhou chipiu qüaxemi shiluvae.

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

Rommi 7:25

Alhou shikimthi, Ni Mpeu Jisü Khristo vecheo ke! Tishi aye, I mlo alouno ni ampi ye Alhou Yezah qüaxemi ipi acheni, ikemu ashi phimpi lou no ni ye axine yezah qe acheni.

Rommi 7:4

Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

1 Kor. 7:22

Kughengu khuu aqüaxemi shiake lono Ampeu lau kulu keno, pa ye Ampeu no kuqhopheve kemiae. Titoi khuu no kuqhophe keu lo ake lono kulu keno pa ye Khristo qüaxemi shivae.

2 Kor. 3:17

Ampeu ye Aghungu, eno khilehi Ampeu Ghungu ani keno tilehi kuqhokiphe ani.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Ephesiami 5:9

(Kughengu aküvü lo cheche keu lono akivipu, achipiu eno kuchou xathi ithulu cheni).

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

FILIPIAMI 4:17

Ni ye agho laju anike kumoe; ikemu nongu no kike achekeu lo alau kighishelu penike phucheni.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

James 1:1

Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

1 Peter 1:9

nongu ngulho xakulupu, ti ye nongu küpülü vecheo iqüphelu keu hu ithukulupu shike.

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

Piyeküsü 7:13

Tileno layemi gholo lakhi no I vilo iniju, “Aphi kimiye chijebobo pepu akemi hipaqo ye khuno, eno khilau no ighi kea?”