Rommi 14:1 - Sumi Naga CL (Re-edited) Bible (BSI)

¹ Khuu no aküpülü lo miqemlei ani keno alokivishi ikhiluni thono akükümsü kiyeqü ke ghenguno mto kevilo.

BAIBEL (BSI)

¹ Nongu gholo timi khuuno akupululo miqemileyi anikeno pa ikhilulo, ikemu pa luthuno kumsupu akeulo kutsala kevilo.

Sümi Tiqhelimi Bible

¹ Nongu gholo aküpülü miqemilei kemi salu tsülo, eno kütsalalu kepu shi aghí namu panoqo sasü kütsala kevilo.

Rommi 14:1 ပူးပေါင်းရင်းမြစ်များ

JOB 4:3

Julo, no ye timi kutomo kütsü shika ighiva eno miqemlei kemi shikumto ighivae.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 42:3

Pa ye ayeghü iho akeu hechhevemo nani, momu inhemimi akeu mi pinhevemo nani. Pa no kümtsü lau achipiu xakütha süghi nani.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

EZEKEL 34:4

Nongu no miqemlei kemi shikumto tsümoe, aküsüu shipivi moe, aghüza kupuu khakide küdai tsümoe, itsüsü wuve keqo sachile ighimoe, pühave keqo phuwu moe, eno mkamihi panoqo shou ayepeke.

ZEKHARIA 11:16

Kughengu julo, I no aghakhu lo ambekheu lakhi saputhuni cheni, pa ye kütsave keqo hijumo, alhotheqo phumo, aghüzaku shipivimo, ashiaji kivishi akeqo lojimo nani, ikemu atha pubeyi akeqo tsüchu eno apukhu shobapu keqo mütsü hexüve tsü nani.

MATTHEW 12:20

kuchou xakütha no tolu moke kutolo pa ye akuaye akeu yeghü mu süchhemo nani, momu inhemimi keu kulu namu fupinheve tsümo nani;

MATTHEW 14:31

Jisü no pai pa u chhope pa tsüqü luve eno pa vilo pi, “O no aküpülü kükühau, kushiye no ye lipive kea?”

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

Mark 7:19

Kughengu achuqupu ye amlo lo ilove chenike kumono akive lou ke, tishino tübatüzü shi ipeghive cheni.” (Hitoi Jisü no achuqupu kümtsü akimthe kepi shuphetsü.)

Luke 17:2

Pa vecheo hi kititiqo lakhi nomu küpxave aye pa ghengu ye athi kütsüghü tuqu pesü pa kuo lo tshüqhi pipe püzü azüghi lo vesüvepe keu pavie.

John 13:20

Kuchou no I no nongu vilo piani, khunono I no puwu keu ikhiluni keno ni ikhilu ani, eno khunono ni ikhiluni keno, I puwu keu ikhilu ani.”

Apostolmi 28:2

Tile küxümi no paküta keu kimiyekini ningu piye, kughengu tsüghuuve no süthi akehu, panongu no ami shino ningu kümtsü ikhilue.

Rommi 11:15

Kughengu panongu kileqhive keu huno ayeghiqha no külashilu aye, panongu ikhiluveni keloye akithi lono aküxü shive keu kumo aye kiu no kimghini kea?

Rommi 14:2

Milakhi no pa ye kiu kiumu chulu nanie pi pülü aghiluvi, ikemu lakhiu miqemlei keu ye ayetsüni likhi chucheghi luvike.

Rommi 14:21

Ashi na aji namu momu kiu kiumu o thiküzümi no küpxa luve kepu thime ye chusho move keu pavie.

Rommi 14:3

Khuu no chucheni keno pa ye chuchemo keu jukünatha moni, eno khuu no chuchemo keno pa ye chuche keu jukünatha moni, kughengu Alhou no pa ikhiluve ake.

Rommi 15:1

Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.

Rommi 15:7

Ikehu Alhou juküvüpu ghenguno Khristo no nongu ikhilu ketoi nongu lakhino lakhi ikhilu kilelo.

Rommi 4:19

Pa shiaji jukelo (ampe aqhe piqi shiuve keke) pa ye thiveke kumlhoshi akepu, moaye Sarah no anuhami ke tighi kiqiju kepushi akemu hipaqo no pa küpülü miqemleive pemoe.

1 Kor. 9:22

Miqemlei kemi gholo ni ye miqemleive, tishianguno ni ye panoqo saghi luniye ke. Kiukiu gholau nomu khami likhimu xalu niye ni ye timi kümtsü lau thokha kümtsü shike.

FILIPIAMI 2:29

Ikehu Ampeu lau juno aloviqhiyi pa ikhilulo, eno titoi kemi timi gihulo,

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

IBRIMI 5:14

Ikemu akümka chuqupu ye kichimi, khunono akivi aküsa dolo kütüta shiniye kimchikulupu küka lono qophe puthupe alhokuthu pepimhe acheni keno, panongu ghenguno ke.

2 John 1:10

Khuana no nongu lau ighi kelo hipau kükütsü peighimo aye, nongu kilo pa sasü kevi, momu pa sasü pethamu shi kevilo,