Rommi 1:23 - Sumi Naga CL (Re-edited) Bible (BSI)

²³ eno thimoni keu Lhou juküvü theli lo thiveni keu timi, ashi-aghau, momu itikiche lhoxü julho kimihiqou sasü küsükilive.

BAIBEL (BSI)

²³ Thivechemo keu Lhou mllanike zuqhulo, panonguno thivenikuau timi, aghau, tughashi eno itikiche lhoxu kimihi shi-ghi ajulho shisukeu mlla cheni.

Sümi Tiqhelimi Bible

²³ eno ajuküvü pesü thimo keu Lhou tsü nikeu züqhulo panongu ye thiveniküau timi julho, aghau, lhoxü eno itikiche lhoxü julho toi ithulu keqo müláuve ke.

Rommi 1:23 ပူးပေါင်းရင်းမြစ်များ

LESHELE 106:20

Panongu no Alhou juküvü pesü amshitsü atsüni mzachu chekeu sasü kilive.

ISAIAH 40:18

Imaye nongu ye khuu momu kiu pesü Alhou kimhe tsüni kea?

ISAIAH 40:26

Atsütsü lo jupukulo: khuu no hipaqo pulhosü kea? Khuu no aqokitikhi tijeje kihilu eno lakhikhi je ithi ani, khuu no pa kumto kije lono tipaqo lakhimu pühave chemo keno, Pa huno ke.

ISAIAH 44:13

Asü kümlau no asü mighi no yesüta pesü hetha puku cheni. Pa no tipau koghe mighi no akimghipu pesü amichi shino küxü cheni. Pa no tipau pesü timi ju koghe kivi shino aki lo qhi cheni.

JEREMIYA 2:11

Shiye lakhi ye alhou kumomu pano lhouqo kilive cheni keshea? Ikemu Iw timiqo ye pano jekipi pesü ala küha keu küsükilivae.

EZEKEL 8:10

Ikehu I no alou ilo no ju. Tilau atupikiye kümtsü homxa ghi aphikümqhüpu itikiche lhoxü, tüghashiqo, eno Israel laghami julhoqo kümtsü kixi pukupe aghie.

Apostolmi 10:12

Tipau lo tüghashi, itikiche lhoxü eno aghau jeli kümtsü ae.

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

Rommi 1:25

ti ye panongu no Alhouw kuchou vehu pesü akimki sasü küsükilive, eno Pulhoküsüu, khuu pülhapuju lo sheqhe aküzüpu keno, iyei, tishi pelo, Pa züqhulo pulhoküsü thime mlla eno huthu auve keu lono ke.

1 Kor. 12:2

Nongu no ithi anike kughou nongu no Alhou mthano ache keno kiukiu gholau nomu nongu sasü atsa pikümla julho lau wuve cheke.

ZAKINIU 5:8

“‘Nongu ye atsütsü lo, ayeghi lo, ayeghi qhou, momu ayeghi qhou azü lo akeu julho kimihi kiumu mlape qhimoni.

1 Peter 4:3

Kughengu Alhou kümthami no kiu toi xüche keno, ghaghughale, alhoksa shinike pitipüza keu, shokümzü, ghasükümla, eno ajulho kümlla, hi kümtsü lo nongu ghi aphiphi shi kuloji ighikeu no kughomae.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,