Piyeküsü 7:17 - Sumi Naga CL (Re-edited) Bible (BSI)

¹⁷ Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”

BAIBEL (BSI)

¹⁷ Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”

Sümi Tiqhelimi Bible

¹⁷ Kughengu aküka lakhü mtá lo Ambeti akeu hu no panonguw ambe kheu shi nani; ‘pa no aküxüpu züpukiqo lo panongu sawu nani.’ ‘Eno Alhou no panongu nhethi lono anhezü kümtsü isüve tsü nani.’”

Piyeküsü 7:17 ပူးပေါင်းရင်းမြစ်များ

LESHELE 22:26

Aghime kitikhi lo akemi no chulu nani eno aghapiqilu nani; khunono Pa phucheni keno pano no Ampeu sheqhe nani! Nongu mlo alholo xü apeniu!

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

LESHELE 28:9

O, Ow timiqo xalu tsülo eno O mheghi kümgha tsülo! Panoqo kheu shino alhokupuju hiju tsülo.

ISAIAH 12:3

Nongu no alokivi shi xakulupu züpuki lono azü shophelu,

ISAIAH 25:6

Aqokitikhi MPEU no naghuto hipau lono ashiaye kümtsü sala kinikülü chuqupu atsaizü akiviu ghulhu kutotsü nani.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

ISAIAH 30:25

Ghikiqhi tsala kijelo kughou no aghümi liwo qogheqo ikiqiveni keno, naghuto kuchuqu eno atoghi kiqhe kümtsü lo aghoki no qowu nani.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 49:9

I no akughumi vilo pinani, ‘Ipeghilo,’ aküzü lo akeqo vilo pinani, ‘Ipeghive lo.’ Panongu no ambeqo alaghila lo achu kümza nani; eno qhemghaike-a kümtsü no pano chu kümza-a shinani;

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 60:20

Now khetsünhe ye khilemu ilovemo nani, momu no qhi ye khilemu süchileve monani; kughengu Ampeu no shekhaha nongu küvü shinani, eno nongu mlo ghime tsala ye kishekhave nani.

ISAIAH 65:19

Ni ghi Jerusalem shou alovini eno Iw timiqo shou alokivi shini; khunomu tilehi aküqa momu aghime ghügha chimla nani.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

EZEKEL 34:23

I no panoqo shou ambekheu lakhi, I qeu David, qhinani eno panoqo mbekheu shive nani.

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

MATTHEW 2:6

‘Judah yeghi lo O Bethlehem, no ye kiu gholau nomu Judah yepemi dolo akimkheu kumoe, kughengu o launo yepeu ighi nani pa no Iw timi Israel kheu shinani.’”

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

John 10:11

Ni ye akheu kiviue. Akheu kiviu ye ambeqo ghenguno pa küxü pephe tsüve cheni.

John 10:14

Ni ye akheu kiviue. I no I mbeqo ithi ani, eno I mbeqo no ni ithi ani,

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

John 4:11

Totimi huno pa vilo pi, “Akijeu, no ye azü shophe kepu kiumu küha eno azükikhe ye thonhei anike khilano aküxüpu zü süghini kea?

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

Piyeküsü 14:4

Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

Piyeküsü 21:22

Ni ye aphughi lo achineki ithumlae, kughengu aphughi chineki ye Ampeu Alhou Akughushuu eno Ambeti huke.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.