Piyeküsü 22:16 - Sumi Naga CL (Re-edited) Bible (BSI)

¹⁶ “Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

BAIBEL (BSI)

¹⁶ “Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”

Sümi Tiqhelimi Bible

¹⁶ “Ni Jisü no ashepe hipau pesü akukuhouqo tsüpe niye iw kungumi nongu lau puwuvea ke. Ni ye David Kuhu-aghü eno pa Nuli-kughukomi ke, eno ni ye yevüqai keu Inaqhe Yepu hu ke.”

Piyeküsü 22:16 ပူးပေါင်းရင်းမြစ်များ

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 14:12

“O inaqhe yepu, tsükutho nu, no ye kungugha lono kishi ikiqiva kelae! No khuu shiyeqo kütsaqhi chekeno, o pesü kishi ayeghi lo veqhive akela!

ZEKHARIA 6:12

Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

AKIKIHI 24:17

ni ye Pa ithulu kemu itehi ye ithumlavae, I no Pa ju kemu aphivilo kühavae. Jacob launo ayepu lakhi ipeghi nani, Israel lono kükaküsü ipeghi nani; Pa no Moab kishe hephovetsü eno Sheth nuli kümtsü kütsave nani.

MATTHEW 1:1

Jisü Khristo, David nu, Abraham nu, puasüqo laghaphi kaku.

MATTHEW 2:2

eno ighiju, “Jewmi kükau shiniye akeu khuu anileshi punu püani keno, anu hu khile ani kea? Kughengu ningu ye kipelau no pa yepu ipeghi keu ithulu kehu pa mlla nike ighi ani.”

MATTHEW 22:42

“Nongu ye Messiah vehulo kiu kümsü cheni kea? Pa ye khuu nu kea?” Panongu no pi, “Pa ye David nue.”

MATTHEW 22:45

Tishiaye David no pa vilo Ampeu ipi aye, kishino Messiah ye David nu kea?”

Luke 1:78

Ni Lhouw kimiyekini ghenguno inaqhe khetsünhe no atsütsü lono ni shou yepüvü ighi ketoi,

Luke 20:44

Ikehu David no Ampeu ipi pa kuche pülaghi kishino pa ye David Nu ipini kea?”

Rommi 15:12

Itaghi Isaiah no pi, “Jesse kuhu-aghü lono ighi nani, shiye shou aye peniye ithu chekeu shou Jewkumomiu no laju nani.”

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.

2 Peter 1:19

Itaghi ningu ye mtsüqhei keu tungkuptsa aphie, tsütho ipeche kelo inaqhe yepu no nongu lolo yepüvü tsümoke dolo hi ye aküzü-a lo aküvü akeshi anike nongu no amlo tsüqhiyilu aye alo nani.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:11

Küsaküghami no küsakügha shi apelo, eno mithekumomi no mithekumo shi apelo, ikemu achipimi ye achipiu shialo, eno akimthemi ye akimthe shialo.”

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

Piyeküsü 22:6

Tileno kungumi huno I vilo pi, “Atsa hipaqo ye pükhükulupu eno kuchou ke. Ampeu Alhou Khuu Ghungu no tungkupmi peitha cheni keno Pa no ke-i kiu shiniye ani keno Pa qemiqo piye penike Paw kungumi puwuvae.”

Piyeküsü 3:13

Khuu no akini ani keno Aghungu no akukuhouqo lau piakeu chilulo.’

Piyeküsü 3:22

Khuu no akini ani keno Aghungu no akukuhouqo lau piakeu chilulo.’”

Piyeküsü 3:6

Khuu no akini ani keno Aghungu no akukuhouqo lau piakeu chilulo.’

Piyeküsü 5:5

Tileno layemi gholo lakhi no I vilo pi, “Qa tavelo; julo, Judah shiaye lo Abongshuu, David kuhu aghü, huno theqhi luvae, ikehu Pa no michida tsüni lhave no liküküzü kaku xükho nani.”