Piyeküsü 22:14 - Sumi Naga CL (Re-edited) Bible (BSI)

¹⁴ Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

BAIBEL (BSI)

¹⁴ Khunono pano phimini mithemighei shikimthe keno tipanoqo kumghae, tishikeu lono akuxupu subo xathi chukuzupu shi nani eno aliwo kikha vechesu aphughilo wulu nanike.

Sümi Tiqhelimi Bible

¹⁴ “Khuno no panow tiphiminiqo mithemighei aghíni keno panongu kümghae, tishianguno panongu ye khagho lono Akimthe Mishighüna lo ilolu no aküxüpu süboqo lono axathi chulu nikeu chipiu anani.

Piyeküsü 22:14 ပူးပေါင်းရင်းမြစ်များ

BOTHUBO 2:9

Ampeu Alhou no asübo jeli khikhino aloqiqhiyi ithulu kepu eno achuqupu ghenguno alo kepu keno, kümtsü achhigha lono lhoipeghi lupe. Aküxüpu eno akivi ngo alhoksa kighithi sübo no aghutu mta lo ae.

BOTHUBO 3:22

Tishino Ampeu Alhou no pi, “Julo, timi huye akivi ngo aküsa ithikeu lo ningu paphi shivae. Pa no itaghi pa u chhopuwo aküxüpu sübo lono xope chuve, eno pülhapuju xü auve nosae—”

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

LESHELE 118:20

Hi ye Ampeuw khagho; amikuchomi no tilehi ilo nani.

IPEKULU 19:10

Ampeu no Moses vilo pi, “Timiqo lau wulo eno ishi ngo thoghiu panoqo kishekimthe no pano phimini ishi kimtheve pelo,

DANIEL 12:12

Khuu no kheakulu shi atsala 1,335 toluni keno akümghapue.

John 10:7

Ikehu Jisü no itaghi panoqo vilo pi, “Kuchou no I no nongu vilo piani, ni ye ambeqo hukikha ke.

John 10:9

Ni ye ahukikha ke. Khunono I vechesü iloni keno pa ye xaluve nani eno ipe-ilo luno atsüni kümtsha-a phulu nani.

John 14:15

“Nongu no I kimiye aye, I zakütsüqo pape nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 4:12

Ningu pasü Jacob no azükikhe ningu tsüe, pa ampi ghi, pa tianuli eno atsüaqu kümtsü hileno shocheke no ye pa nguno akijeu keshea?”

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

1 Kor. 8:9

Ikemu nongu chipiu hipau no aküpülü lo miqemlei kemi pukhu küpsüpu shi nosake kutokupuilo.

1 Kor. 9:5

Apostolmi kütami eno Ampeu thiküzümi ngo Cephas no shiche ketoi ningu ye anipu sasü izüwuni keu chipiu küha keshea?

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

1 John 5:3

Kughengu Alhou kikimiye ye ningu no Pa zakütsüqo pelu keu lono ke. Eno Pa zakütsüqo ye puqhe kümlapu kumoe.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Piyeküsü 21:12

Tipau ye aliwo kije eno chuqumghai keu no botha püa, eno kungumi chighikini no khagho chighikini khea, ti kümtsü lo Israel laghami chighikini je yepüa—

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 22:2

ti ye aphughi lo alaghila mta züsü qowu, eno aghoki ajeu piyiu ghi aküxüpu sübo aghi, tipau lo axathi jeli chighikini pithi eno aqhi atsütsü xolu cheghi. Asübo nipaqo ye shiye shikipivi ghenguno ae.

Piyeküsü 22:7

“Julo, Ni ye itheno cheni. Khunono kaku hipau lo tungkuptsa yepüa keu peluni keno akümghapue.”

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.