Piyeküsü 22:10 - Sumi Naga CL (Re-edited) Bible (BSI)

¹⁰ Itaghi pa no pi, “Kaku hipau lo tungkuptsa akeqo mekhape püa kevilo, kughengu ado ye punukhoivae.

BAIBEL (BSI)

¹⁰ Pano ivilo highi pi, “Kaku hipaulo tungkupu tsa pipuakeu kusupe qhi kevilo, kughengu hipaqo kumtsu shikupuni keu ghulokiye kupunuvae.

Sümi Tiqhelimi Bible

¹⁰ Tisheno pa no I vilo pi, “Liküküzü kaku hipau lo tungkuptsa akeqo mekha kevilo, kughengu ado ye kupunúvae.

Piyeküsü 22:10 ပူးပေါင်းရင်းမြစ်များ

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

ISAIAH 8:16

I no kütsü shikave keu tsape liküzü no mekhape I papemi gholo qhivelo.

EZEKEL 12:23

Tighenguno panoqo vilo pilo, ‘Ampeu Alhou no ishi piani: Aholetsa hipau I no kishekhave tsüni, eno Israel lo aholetsa shi hipau peitha move nani.’ Ikemu panoqo vilo pilo, Atsala ye kupunuvae, kungunhetsü kümtsü shikupu nani.

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

DANIEL 12:9

Pa no pi, “O la lo wuvelo, Daniel, kughengu ashekha do ighi moke kutolo atsa huye khathave eno mekhape qhivae.

DANIEL 8:26

Avela ngo inaqhe kungunhetsü piqhive keu hu ye kuchoue, ikemu ti ye mekhape qhivelo, kughengu tipau vehu ye ado kushuo chephike.”

MATTHEW 10:27

I no aküzü lono nongu vilo kiu piani keno, aküvü lono pilo, eno nongu no kiu aqhou tsa chilu ani keno, aki kütsüqa lono sheshulo.

Rommi 13:11

Hinguno alau nongu no ado-ghuloki ithi anino itehi nongu ye züida thughive kepu do ighivae. Kughengu xakulupu ye püzüu ningu no atüghü lo pülülu kelo nguno itehiu no kupunukhoi ighivae.

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

2 Thes. 2:3

Kiu gholau nomu khuana pelo nongu pishiqhipe kevilo. Kughengu kütsakungo nu, ayezah heküxau eno hekibideu paghi ighi moke kutolo Ampeu tsala ighimo nani,

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:3

Khuu no asütsa süqhe ghi tungkuptsa hipau phisüni keno akümghapu, khunono chiluni keno akümghapu, eno khunono tipau lo yepüakeu peluni keno akümghapue, kughengu ado ye kupunuvae.

Piyeküsü 10:4

Eno kughou tsütsüküsü tsüni no igha keno, I no yeniye shikemu atsütsü lono asütsa lakhi no pikeu I no chilu, “Tsütsüküsü tsüni no kiu pive akeno mekhape qhivelo, eno tipau yepeqhi kevilo.”

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 22:18

Khunono kaku hipau lo tungkuptsa chiluve akeno, ni John, no milakhikhi vilo kütüghüve ani, khuana no hipaqo lo süküphave aye, kaku hipau lo püsa jeli yepüa keqo pesü Alhou no pa shou küphatsü nani,

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

Piyeküsü 22:7

“Julo, Ni ye itheno cheni. Khunono kaku hipau lo tungkuptsa yepüa keu peluni keno akümghapue.”

Piyeküsü 22:9

kemu pa no I vilo pi, “Moe, tishi kevilo! No eno o thiküzümi tungkupmi, eno khunono kaku hipau lo akeu tsaqo pecheni keno, tipaqo gholo nighi aqemi lakhike. Alhou mllalo.”

Piyeküsü 5:1

Tileno kükalakhü lo iqa akeu u ajeu liküküzü kaku lakhi, azüu athiu ghi atsa yesü no michida tsüni no chishidave keu pe aghike I no ithulu.