Piyeküsü 2:7 - Sumi Naga CL (Re-edited) Bible (BSI)

⁷ Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

BAIBEL (BSI)

⁷ Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Sümi Tiqhelimi Bible

⁷ Aghungu no akukuhouqo vilo kiu piani keno chilu nishi kemiqo pelo chilu pelo. Khuu no toluvea keno pa pelo Alhou ghuno-a lo aküxüpu sübo akeu lono chulu pe nikeu I no azah tsü nani.

Piyeküsü 2:7 ပူးပေါင်းရင်းမြစ်များ

BOTHUBO 2:9

Ampeu Alhou no asübo jeli khikhino aloqiqhiyi ithulu kepu eno achuqupu ghenguno alo kepu keno, kümtsü achhigha lono lhoipeghi lupe. Aküxüpu eno akivi ngo alhoksa kighithi sübo no aghutu mta lo ae.

AHOLE 11:30

Amikuchomi xathi ye aküxüpu sübo, eno alokütsümi no aküxü pükhalu cheni.

AHOLE 13:12

Lajupu süpushuve keu ye amlo hephove tsü ani, ikemu lakuju shikupulu keu huno aküxüpu süboke.

AHOLE 15:4

Akümtsha mili ye aküxüpu sübo ikemu ti tuchighive keu no anguagha kütsave tsü cheni.

AHOLE 3:18

Li khamgholu kemi lau li ye aküxüpu sübo ke, panoqo ye akümghaue pi kucheni.

EZEKEL 28:13

No ye Eden, Alhou ghutu lo ache; akughupu tu jeli no o küzüpe ache, sardius, topaz, eno mlaputu, beryl, onyx, eno jasper, sapphire, emerald, eno carbuncle; ameshoyi no meda eno kixi puku o nanu shiche. O lhoke tsalani no tipaqo kutope qhitsüe.

EZEKEL 31:8

Alhou ghutu lo cedarboqo ye tipau sasü kimghi mlae, momu asahu sübo ye tipau sasü aqhemi shimlae; fir süboqo ye pa loka toimoe; Alhou ghutu lo asübo lakhimu titoi jukivi kühae.

MATTHEW 11:15

Khuu no chikulu kini ani keno pa no chilulo.

MATTHEW 13:43

Ikemu amikuchomi ye panongu Papu kükaqha lo khetsünhe toi vünani. Khuu no akini ani keno pa no chilulo.

MATTHEW 13:9

Khuu no akini ani keno pa no chilu pelo.”

Mark 4:9

Jisü no pi, “Khuu no chikulu kini pu ani keno, pa no chilu pelo.”

Mark 7:15

Ashou no timi phi alou ilo keu ye kiumu shikuchhube chemoe, ikemu timi lolo no ipeghi keu no shikuchhube cheni.

Mark 7:16

Khukhumu akini pu akeu no chilu lo.”

Luke 23:43

Jisü no pa vilo pi, “Mtsüqheino I no o vilo piani, no ye ishi no I gholo alokughuno-a lo aniae.”

Luke 8:8

Ikemu hami ye ayeghi kivi lo ilolu no thuikughi püzü aqhe piqi pithilu.” Jisü no atsa hipaqo pi akelo ighamku asheshu, “Khukhumu chikulupu kini pu akeu no chilulo.”

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

1 Kor. 2:10

thime hipaqo Alhou no Aghungu vecheo ni lau pephe piyevae. Kughengu Aghungu no Alhouw kuthoküzü kutolo thokha lheju cheni.

2 Kor. 12:4

atsa lono pimla kepu eno akichi lono pikümlapu tsa pa no chilu.

1 John 2:13

Apunoqo, ni ye nongu lau ye ani, kughengu nongu no abothu lono acheghi keu ithi anike. Lhothemiqo, ni ye nongu lau ye ani, kughengu nongu no alhoksau theqhilu ke. Atianuliqo, ni ye nongu lau ye ani, kughengu nongu no Apu ithi cheni.

Piyeküsü 13:9

Khukhumu akini akeu no chilulo:

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”

Piyeküsü 15:2

Eno ayina züghi ipi kepu toikeu lo ami bubushi iqü akeu I no ithulu, eno khunono tüghashi eno pa julho ngo pa je kikihi theqhilu keno pano u lo Alhouw küghaküsü lebo pesü ayina züghi mkülo puthugho aghi.

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 22:2

ti ye aphughi lo alaghila mta züsü qowu, eno aghoki ajeu piyiu ghi aküxüpu sübo aghi, tipau lo axathi jeli chighikini pithi eno aqhi atsütsü xolu cheghi. Asübo nipaqo ye shiye shikipivi ghenguno ae.