Piyeküsü 14:10 - Sumi Naga CL (Re-edited) Bible (BSI)

¹⁰ azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

BAIBEL (BSI)

¹⁰ timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

Sümi Tiqhelimi Bible

¹⁰ panongu ghí Alhou mlo kighide ji ye nani. Alhou mlo kighide jì ye azü lekitemo no mükamüghai pa loghukighide jikhu lo lesüvae. Panongu ye akimthe kungumiqo ngò Ambeti zülo no piti akeu amichu pesü ghimeqhi nani.

Piyeküsü 14:10 ပူးပေါင်းရင်းမြစ်များ

BOTHUBO 19:24

Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

JOB 18:15

Pa kilo khikhi paw kumo keno tipaqo likhi acheni; amichu no pa ki hokümxa kuchopu leküxü püanie.

JOB 21:20

Panongu nhethi atho no pano ghime ithulu masae, eno panongu no Akughushuu loghu jukhu ye masae.

LESHELE 11:6

Kixikilami shou amibalu ghuqhi tsülo; ami, amichu eno pitipüza keu mülhü no pano saje shitsü lo.

LESHELE 37:34

Ampeu ngokhe lo eno Pa laghi papelu lo, eno Pa no o xaqhe no ayeghi ighi lupe nani; kixikilami ikhive keu nono ithulu nani.

LESHELE 52:6

Amikuchomi no ti ithulu no msave nani, eno pa junuqhi ishi pi nani,

LESHELE 60:3

Nono Ow timiqo pelo aveküsa do sholu peke; Nono ni pelo atsaiji shopusü khokhoshi peniye ni tsüke.

LESHELE 73:10

Tighenguno timiqou ghi pano lau ideighi no panongu no pikeu pülüve cheni.

LESHELE 75:8

Kughengu Ampeu u lo ajukhu tsüqüpe ani tipau lono Pa no atsaizü akivishi lekiteve keu eno mlaghubei qole akeu leqhi, eno ayeghi lo kixikilami kümtsü no tipau lo kighiji ashekhau kutolo sho nani.

LESHELE 91:8

Nono o nhethi likhi no jupuwu nani eno küsaküghami lochile keu ithulu nani.

ISAIAH 29:9

Aghüji no veve keshi izüvui alo, nongu nhethi kighiche alo! Atsaiji shomomu shomzü alo; aji kümka shomomu nanashi alo!

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 34:9

Edom ghoki pesü tsübuta shive, ayeghi pe amichu shino aghakhu pesü tsübuta toi pitive nani.

ISAIAH 51:17

O küdaputhulo, o küdalo, O Zion, puthugho lo, nongu khunoqo Ampeu loghu jukhu lono shojuve akeno, nongu no tipau yekhave eno tipau no o pelo izüvuive peke.

JEREMIYA 25:27

“Tishino panongu vilo pilo, ‘Israel Lhou, aqokitikhi MPEU no ishi piani: Hi shopusü mughule lo, ikiqive no ithughi kevilo, kughengu I no azütakikihi nongu gholo puwu ani.’

JEREMIYA 49:12

Kughengu Ampeu no ishi piani: “Tsala aghime jukhu shoküzüpu kumo keqo no shove cheghi aye, nongu ye ghimeqhi mono puwuve nani keshea? Nongu ye sho masa nani.

JEREMIYA 51:57

I no liw hiyampemi ngo alokütsümi, angh, zatsümi eno ghüshimi shokümzü nani; panongu ye alholo küzü züve no idathughi move nani, Akükau khuu je aqokitikhi MPEU keno Pa no sheshu.

AKUMLO 4:21

O Edom limi, khuu Uz yeghi lo ani keno; alovi eno amloqilo; ikemu o lau ghi ajukhu ighi nani; no ye shomzüve no o phikümsa shive nanie.

EZEKEL 20:48

Ni Ampeu no tipau küiqü kepi timi kümtsü no ithulu nani; tipau ye ghapinhe lumo nani.”

EZEKEL 38:22

I no püsa ngo ajikuqo pesü pa shou küghatha nani, I no pa ngo paw aqokitikhi eno timi kutomo khunoqo pa gholo ani keno panoqo shou pasapagha tsütsüghu, mürasü, ami eno amichu ghuqhitsü nani.

HABAKUK 2:16

No ye ajekipi züqhulo akukujou no chhitoive nani. Nou no shoalo, eno o phighüyiko ghamo keu piyelo! Ampeu u ajeu akeu jukhu ye idechilesü o lau ighi nani, eno shishe akukujopu no o jekipipu nhavetsü nani!

MATTHEW 20:22

Ikemu Jisü no khochile, “Nongu no kiu khu ani keno nongu ye mtha aphie. I no shoniye akeu jukhu nongu ye sholu nani keshea?” Pama no khochile, “Nikujo ye tishilu nani.”

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 26:39

Pa no kitila azüu wuno agi no ayeghi dape inikhu, “I Pu, shikulupu shi aye ajukhu hipau I launo ikhiluve tsülo; tishinamu I gho kumono o pulou shilo.”

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

Mark 9:44

(Tile pano pithe ye thive chemo, eno ami ye inheve chemoe.)

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

Piyeküsü 15:7

Tile aküxüküa lhoxü bidi gholo lakhi no ameshoyi kiptibo tsüni lo Alhou Khuu pülhapuju eno alholo xüacheni keno Pa loghu chhitoi akeu pesü kungumi tsüni aküphashi tsü,

Piyeküsü 16:19

Aphughi akijeu ye amqo küthüshi itave, titoi ayeghiqha lo aphughi kümtsü ikiqi kütsa khave. Tithiu Alhou no Babylon akijeu pelo Pa loghu jukhu lo akeu kümtsü yeve peni keu kümsülu.

Piyeküsü 18:3

Kughengu shiye kümtsü no liw ngosükümla ji shomzü, ayeghi lo kükamiqo no li sasü salha eno li no aghakiqishi küakini kuthole xükeu lono ayeghi lo lhidimi no kinimi shikhavae.”

Piyeküsü 18:6

Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

Piyeküsü 19:15

Azütakikihi kütsügha khipa pesü pa no shiyeqo ghiqhi nani keno ti ye pa kichi lono ipeghi nani, eno pa no ayiküsü pesü panoqo shou ayepe nani. Pa no Akughushu Lhou loghu pepheni ke atsaithi kütsüghü-a lono qole nani.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”