Piyeküsü 13:15 - Sumi Naga CL (Re-edited) Bible (BSI)

¹⁵ Eno ti tüghashi julho lau atuthu shesütsü penike azah pa tsü, tishianguno ajulho no atsau ghi pilu, eno khunono tipau mllamo keno pithive peniye ke.

BAIBEL (BSI)

¹⁵ Tughashi akiniu pelo tughashi atughiu julho shisu keulo atuthu sutsukulupu kuka pesu tsu, tishianguno tughashi julho pelo atsa ghi pikulupu shipeniyeke eno khunoqono tipau mllamo nikeno tipaqo pithive peniyeke.

Sümi Tiqhelimi Bible

¹⁵ Tüghashi atüghiu julho lo athuthu tsülu kepu küká pesü tüghashi akiniù tsüe. Tishianguno ajulho pelo atsa pilu pe eno ajulho mülámo kemiqo kümtsü pìthíve peniye ke.

Piyeküsü 13:15 ပူးပေါင်းရင်းမြစ်များ

BOTHUBO 2:7

tileno Ampeu Alhou no achhigha lono ayeghimkhu pesü timi kughulho eno pa nigipe lo aküxüpu tuthu shesü tsü, eno timi huno aküxüküa lhoxü shive.

LESHELE 115:5

Panongu ye akichi ani, ikemu atsa pi chemoe; anhethi anie, ikemu ithulu chemoe.

JEREMIYA 10:14

Timi kümtsü anikha eno akighithi kühae; ameshoyi kiyiqimi ye pa no mlakeu julho no shikujo, kughengu pa julhoqo ye kichile, tipaqo lolo atuthu kühae.

JEREMIYA 10:5

Pano julhoqo ye akukali lo aluthu toi, tipaqo ye atsa pimla; ala chemla kehu xapu masae. Tipaqo msa kevilo, kughengu tipaqo ye alhoksa shimlae, momu akivimu shimlae.”

JEREMIYA 51:17

Timi ye kümtsü anikha eno akighithi kühae; ameshoyi kiyiqiu ye pa julho no shikujove cheni, kughengu pa julhoqo ye kichile eno aküxü kühae.

DANIEL 7:20

eno tipau kütsü lo akibo chighi xapu akeu ngo akibo kütau ipeghi kelo tipau zülo akibo küthü akeu no ikiqive keu, akibo khipau lo anhethi akeno eno akichi lono aqheküza tsa pi akeno, tipau ye pa lojimi nguno akijeu shi ithulu akehu tüghashi tipau ghili I no ithiveni shi ae.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

HABAKUK 2:19

Khuu no asülu vilo, Ithulo; iqünhei keu tuqu vilo, Ithulo! ipi cheni keno ahaküsapue. Hipau ye shikalu nani keo? Julo, hi ye ameshoyi ngo ghükayi no dapüani kemu atuthu ye kühae.

James 2:26

Kughengu aghungu küha kelo aphimpi ye akithi ketoi akümla sümo kelo aküpülü ye akithi ke.

Piyeküsü 13:1

Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 13:12

Tino tüghashi atüghüu küka kümtsü pa zülono peitha, eno ayeghi lo küami pelo akithipu ghüzaku lono viluve keu tüghashi atüghüu mllape.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 14:11

Panongu pitikeu michhi ye pülhapuju eno alholo phoiku anani. Tüghashi eno tipau julho kümllami, eno khukhumu tipau michipu ithuluve kemi ye putho lo na puchou namu akulhokiqhi ithumla nani.”

Piyeküsü 14:9

Itaghi kungumi atüghüu pama shelo küpape ghi aküthüu no asütsa kuloghi shi sheshu ighi, “Khuana no tüghashi ngo tipau julho mllave, eno akishe lo momu au lo amchipu shive aye,

Piyeküsü 16:2

Ikehu kungumi atüghüu no pa kiptibo pewo ayeghi lo leqhi, ikelo tüghashi michipu akemi eno tipau julho mlla chekemi shou alhoksa eno kumthu kümna piyi küsü ikughive.

Piyeküsü 16:5

Tileno azüghi jukütsü akeu kungumi no ishi pikeu I no chilu, “O Akimtheu, Khuu acheni eno acheghi keno, Nono achipiu kehu küghakütha hipaqo süghie.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 17:17

kughengu panoqo no amlo lakhi shino pano kükagha pesü tüghashi lau pephetsü keu ye Alhou no Pa tsa shikupu khamoke kutolo Pa kukughu kiqi lono mla peniye panongu mlo lo süvetsü keu ke.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 18:24

Tungkupmi ngo küpülümi, eno ayeghi lo timi pithive keqo kümtsü ji Babylon lo kighiji püaghi keu phulue.”

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.