Obadiah 1:21 - Sumi Naga CL (Re-edited) Bible (BSI)

²¹ Xaluve kemi no Esau Toghi lo ayepe nike Zion Toghi lo iku nani, eno kükaqha ye Ampeuw shive nani.

BAIBEL (BSI)

²¹ Jerusalem lo tokulu shi achekemi qono Edom le nani eno tipau shou ayehpe nani. AMPEU no Akukau shiluve nani.”

Obadiah 1:21 ပူးပေါင်းရင်းမြစ်များ

BOTHUBO 25:23

Ampeu no li vilo pi, “Shiye kini o polo ani, eno ashiaye kini o lolo akeu ye kijethave nani; lakhi no lakhiu nguno akumtou shive nani, akichiu no ayitiu qe nani.”

KUKAMI AKINIU 13:5

(Tighenguno Ampeu no Israelmi lau xakuluu puwu, eno panongu no Syriami u lono pokalu no Israelmi ye püzüu toi alokughuno shi xülu.

NEHEMIA 9:27

Tighenguno Nono pano ghümi u lo panongu süve tsüno aghime shipe. Eno aghime lono panongu no O lau ighamku, tileno Nono kungugha lono chilu tsüe. Ow kimiyekini kije kiqi lono Nono xakulumi panongu tsüno tipaqo no aghümi launo panoqo xaphelue.

LESHELE 102:15

Shiyeqo no Ampeu je sümsa nani eno ayeghi lo kükami kümtsü no O juküvü sümsa nani.

LESHELE 22:28

Kughengu aküka ye Ampeuw ke, Pa no shiyeqo shou ayepe ani.

LESHELE 22:29

Ayeghi lo kinimi kümtsü no chusho no mllae; ayeghimkhu shive kemi kümtsü, pa ampi püxü mlave kemi ghi Pa zülo itsaqi nani.

LESHELE 47:7

Kughengu Alhou no ayeghi kümtsü shou Akükau ke; leshele pesü shikipili le phelo!

LESHELE 67:4

Shiye kümtsü no alovi eno alokiqi shi ale phe pelo, kughengu Nono ashiayeqo aqhemi shi xakütha tsü cheni eno ayeghi lo shiyeqo la kichetsü cheni.

ISAIAH 19:20

Tino Egypt lo aqokitikhi MPEU akeu michipu shi nani. Kughou nedaqoda ke ghenguno panoqo no Ampeu lau ighamkuni keno, Pa no xakuluu eno sükushou puwu no panoqo xaphelu nani.

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

DANIEL 12:3

Khunono alokütsümi keno panongu ye atsütsü lo aqhi küvü toi vü nani; eno khunono timi kutomo pelo amikucho lo tsüghü ighilupe cheni keno panongu ye alholo eno pülhapuju ayepuqo toi vü nani.

DANIEL 2:35

Tithiu ayi, aghani, alazayi, ghükayi eno ameshoyi kümtsü aleqhi shi kümtsa kubove, eno mütsü tusho lo aniqa lo amuu toive no amülhü no tipaqo fusawuve, tishi kehu tipaqo ye kitilamu apashe mlave. Ikemu atu khipau no ajulho vephove keno ti ye naghuto kije lakhi shive eno ayeghiqha kümtsü nhachhive.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

MICAH 4:7

ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

MATTHEW 6:10

O yekipe ighilo, kungugha lo toi ayeghi lo ghi O pulou shilo.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Luke 22:30

Tishikeu lono nongu no I kükaqha lo chusholu eno kükalakhü lo iqa no Israel shiaye chighikini shou küghatha nani.

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

James 5:20

khuu no ala kumo lono axinemi sachile ighi keno, pa ye akithi lono axinemi ngulho xalu ani, eno axine kütsasa pevetsü kulupu shi anie pi ithi pelo.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 19:6

Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

XAKUTHAMI 2:16

Tishino Ampeu no xaküthami puthu eno tipaqo no süxakuchumi launo pano xaphe.

XAKUTHAMI 3:9

Ikemu kughou Israelmi no Ampeu lau ighamku keno, Ampeu no panongu xaphe nike Kenaz nu, Caleb thiküzüu Othniel puwu, eno pa no panoqo xalue.