MICAH 7:9 - Sumi Naga CL (Re-edited) Bible (BSI)

⁹ I no Ampeu zülo axine shive kehu Pa no I she petsü eno I ghenguno xathatsü moke dolo ni ye Pa xukighide xapu niae. Pa no aküvü lo I saipeghi nani; Pa no saphutsü keu shou I no jupuku anani.

BAIBEL (BSI)

⁹ Nino AMPEU shou axine shiveke itehiye ado ikhonheyi ghenguno pa loghu pumoaye sake. Ikemu ashekhaloye pano nisusho nani eno nishou akumou shikeu kumtsu shikumzu nani.

MICAH 7:9 ပူးပေါင်းရင်းမြစ်များ

SAMUEL AKINIU 24:17

Kughou David no timi ghiqhi akeu kungumi ithulu keno, pa no Ampeu vilo pi, “Julo, I no axine shivae, eno I no küsakügha kümla shivae. Ikemu ambe hipaqo ye kiu shive kea? Kimiyeno O u I shou eno I laghami shou pukuve tsülo.”

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

JOB 35:14

Imaye nono Pa zülo kügha kepu ani eno Pa khe animu Pa ithulu chemoe pi akelo kishi o tsa initsü nani kea?

LESHELE 119:154

I ghenguno xatha tsülo eno I qhüchile lulo; O shoqhi kiqi lono I püxü tsülo!

LESHELE 37:6

Pa no o mikucho pesü aküvü toi yepüvü tsü nani, eno o chipiu pesü puchomghü toive tsü nani.

LESHELE 43:1

I chipiu she petsülo, O Alhou, Alhou kümthami lachile no I tsakükügha lo I süsho tsülo, pishikiqhimi eno achipikumo shiche kemi launo I xalulo!

LESHELE 7:6

O mlo kighide lono ithulo, O Ampeu; I ghümi loghu shou puthugho lo; I ghenguno ithulo; kuchou xakütha shitsü lo.

LESHELE 94:15

kughengu kuchou xakütha ye amikuchomi lau ideighi cheni, eno amlo kümzümi kümtsü no ti pape nani.

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 42:7

anhethi kighichemi nhethi khaqhitsü nani, aküzü kughuki lo akughu shi akemi saipeghi nani; aküzü lo iqa akemi khaqhiphe nani.

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.

ISAIAH 51:22

Ampeu o Lhou, Paw timi ghenguno qhüiniju chekeu no ishi piani, “Julo, I no o u lono Pa no izüvuive chekeu jukhu ikhiluvae; no ye I loghu chithakhu lo shokithe moae;

ISAIAH 56:1

Ampeu no ishi piani: “Achipiu eno amikucho shilo, kughengu I launo xakulu ighini keu kushuo kumovae, eno Iw xaphekulu pephe piye nani.

JEREMIYA 10:19

I ghüzaku ghenguno I hasapue! I zaku ye zaghi shivae. Ikemu I no pi, “Kuchou no hi ye aghime kitikhi, ni ye puqhelu masae.”

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

JEREMIYA 51:10

Ampeu no ni chipiu piye tsüe; ighilo, ningu Zion lono Ampeu ni Lhou kümla sheshuni.

AKUMLO 1:18

“Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

ACHINE 26:41

kughengu Ni ghi panongu mjochile no pano ghümi yeghi lo puwuve kehu, panongu no mtshaivü eno axine lhoaye shikithe aye,

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

SAMUEL ATUGHIU 24:15

Tighenguno Ampeu no nikujo dolo xathatsü peni, eno I saphu tsüno o u lono I xaphetsü peni.”

SAMUEL ATUGHIU 25:39

Kughou David no Nabal thivae pi chilu keno, pa no pi, “Ampeu khuu Nabal no I thaigha keu mkhü lutsü, eno akumou shiniye akelono Pa qeu hakholu keno, Pa je sheqhelo. Ampeu no Nabal lhoksa pesü pa ampi kütsü lo pukuve tsüae.” Tithiu David no li pesü pa nipu shinike timi puwu no Abigail vilo pi.

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.

SAMUEL ATUGHIU 3:18

Tighenguno Samuel no kiumu küsü mono thokha kümtsü pa vilo pive. Eno pa no pi, “Ti huye Ampeu ke. Kiu no Pa ghenguno akivi ipi ithulu ani keno tishi pelo.”