MATTHEW 7:15 - Sumi Naga CL (Re-edited) Bible (BSI)

¹⁵ “Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

BAIBEL (BSI)

¹⁵ “Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Sümi Tiqhelimi Bible

¹⁵ “Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

MATTHEW 7:15 ပူးပေါင်းရင်းမြစ်များ

KUKAMI ATUGHIU 13:18

Pa no Alhou timi vilo pi, “Ni ghi o toi tungkupmi, eno Ampeu tsa vecheo kungumi lakhi no I vilo pi, ‘Pa sasü o kilo ideighi no pa pelo asho chusho pelo.’” Ikemu pa ye miki ae.

JEREMIYA 29:21

‘Aqokitikhi MPEU, Israel Lhou no I je lono tungkuptsa pi akeu Kolaiah nu Ahab eno Maaseiah nu Zedekiah pama ghenguno ishi piani: Jualo, I no pama pesü Babylon kükau Nebuchadnezzar u lo süvetsü nani, eno pama ye nongu nhethe lono ghiqhive nani.

JEREMIYA 29:32

Ampeu no ishi piani: Julo, I no Nehelammi Shemaiah eno pa pishe amzü ghime nani. Timi hipaqo gholo pa kughukomi lakhimu küha nani, eno pa ye I no Iw timi lau akivi mlani keu ithulumo nani, ipi Ampeu no sheshu, kughengu pa no Ampeu hekibide tsa pike.’”

EZEKEL 13:16

Israel lo tungkupmi khunoqo no Jerusalem ghenguno tungkuptsa pi eno tipau lo külakishi küha keghi külakishi kungunhetsü ithulu keno panongu ye kühave nani ipi Ampeu Alhou no asheshu.

EZEKEL 13:22

I no amikuchomi püqapunu mo keghi nongu no akumou lono amikuchou ghüthi püsüve tsü, eno kixikilami shikumto no pa pelo kixikila laghi lono tsüghü idelu no pa küxü xalu pemoke ghenguno

EZEKEL 22:25

Liw tungkupmiw pishikiqhi ye abongshuu no lhoxü tsüqhipe ighamku aketoi; panongu no timi küxü tsüchuvae; panongu no küakini eno akughupu thimeqo luvae; panongu no pano yeghi lo chimemi kutomo shive tsüae.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

DANIEL 11:34

Kughou panongu no veqhiveni keno, panongu ye akukuphu kitila likhi ithulu nani. Amikucho kumomi kutomo no panongu gholo küqha nani,

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

ZEKHARIA 13:4

“Tipa tsala lo kughou tungkupu lakhi no tungkuptsa pini keno paw kungunhetsü ghenguno kujove nani. Pa ye pishiqhi nike ghenguno amhi hebephi pepumo nani,

MATTHEW 10:17

Timiqo jukuto lo, kughengu panongu no nongu sasü pano hoho zülo wunani eno sinagog lono akighikipili pesü nongu heqhi nani,

MATTHEW 16:11

Ni ye asho vehu piamo kepi kushiye nongu ye vethalumo kea? Phariseemi ngo Sadduceemi kholaqhi jukuto alo.”

MATTHEW 16:6

Jisü no panoqo vilo pi, “Phariseemi ngo Sadduceemi kholaqhi jukuto no kutokupui alo.”

MATTHEW 24:11

Kichile tungkupmi kutomo ipeghi no timi kutomo saküghüzü nani.

MATTHEW 7:14

Ikemu kibikhoi keu khagho eno kushokütsü la no aküxüpu lo sawu cheni, eno tipa la phulu kemi ye aghulo likhie.

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

Luke 6:26

“Nongu khunono timi kümtsü no pipivi cheni keno ahasapue, kughengu timi tipaqo puasüqo ghi kichile tungkupmi lau titoi shiche ke.

John 10:12

Aqekiqemi ye akheu kumo eno ambe kipighiu kumo kehu, kughou tüngtügha cheghi keu ithuluni keno pa ye ambeqo qhive no pove cheni, eno tüngtügha no ambeqo tsüqü luve no hapiyepighive cheni.

Apostolmi 13:40

Tighenguno tsükhüi lo, tikumo aye tungkupmi kaku lo pi püakeu no nongu shou ikughi nosae:

Apostolmi 13:6

Panongu no züdoyeghi kupuju vehosü wuno Paphos lo ighi kelo küdüumi, Jewmi Bar-Jisü ipikeu kichile tungkupmi lakhi sasü kusholu.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

FILIPIAMI 3:2

Khunono alhoksa kümla, aphi-ashi ghakütha khuaye pecheni keno, ti atsüqo tsükhüi jukuto alo.

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

2 Tim. 4:3

Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

2 Peter 3:17

Ikehu kimiye chekeqo, tishi mphi lono nongu ye hi ithi no kutokupui luvelo, tishianguno nongu ye ayezah heküxami kipimi gholono müsü sawuve no nongu kumto-a lono ikiqive pemo niye ke.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Piyeküsü 16:13

Tileno mithekumo ghawu küthü, achuyi toi püzü dragon kichi lono lakhi, tüghashi kichi lono lakhi, eno kichileu tungkupu kichi lono lakhi ishi ipe cheghi keu I no ithulu.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.