MATTHEW 26:41 - Sumi Naga CL (Re-edited) Bible (BSI)

⁴¹ Ghukuju lo ilovemo kepushi tsükhüi shino inikhu lo. Aghungu ye pulo ani kemu ashi no qeinai anie.”

BAIBEL (BSI)

⁴¹ Nonguye pejukeulo ikiqi ilovemokepushi tsukhuyi khealo eno inikhu alo. Aghungu ye puloqhiyi anie, ikemu ashi-ajiye inayi anie.”

Sümi Tiqhelimi Bible

⁴¹ Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”

MATTHEW 26:41 ပူးပေါင်းရင်းမြစ်များ

LESHELE 119:1

Khuno laghi no tukutiye küha keno, khunono Ampeu yezah lo checheni keno pano lokivipue!

LESHELE 119:115

I launo chevelo, nongu alhoksa kümlami, tishiaye ni ye I Lhou zakütsü papelu nani.

LESHELE 119:117

I sünhe puthulo, tishiaye ni ye sükusho anani eno alhokuthu O yezah gihu anani!

LESHELE 119:32

Kughou Nono I mlo shikuloghi tsüni keno, I no O zakütsüqo laghi lo cheche nani!

MATTHEW 24:42

Tighenguno kutope khelo, kughengu kiu tsala lono nongu Mpeu ighi nani keno nongu ye mthae.

MATTHEW 25:13

Tighenguno jukuto khelo, kughengu nongu ye atsala momu atüqhüdo mthake.

MATTHEW 26:38

Pano küthü vilo pa no pi, “Ni ye thiveni keshi ighono amlo iju ani; hile ngolo eno I gholono khekuto lo.”

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Mark 14:38

Nongu ye ghukuju lo ikiqimo kepushi tsükhüi shino inikhu lo. Aghungu ye pulo ani kemu ashi no qeinai ani.”

Luke 11:4

eno ni kipimi peve tsülo, kughengu ningu ampi no ni pi kupumi kipimi pevetsü cheni. Eno ghukuju lo ni sailotsü kevilo.”

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Luke 22:40

Kughou pa no ti tokeno, pa khopemi vilo pi, “Ghukuju lo ilo pemoni ke inikhu lo.”

Luke 22:46

Jisü no panongu vilo pi, “Nongu ye kushiye züani kea? Ghukuju lo ilo pemoni ke ithu inikhu lo.”

Luke 8:13

Khikhi atuqu shou iku keno tipaqo ye, Atsa chilu kelo alokivishi ikhilu chekeqoe. Ikemu panongu ye akuhu küha kehu ado kitila ghenguno pülü cheni, eno peju keu do ighike lono idewove cheni.

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

1 Kor. 9:27

Ikemu I no kütami vilo asheshu cheni püzü ni ampi ye kideqhive nosa kehu, ni ye I phimpi chishi kushughi eno ghasüpe qhicheni.

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,

Piyeküsü 16:15

(“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.