Mark 9:44 - Sumi Naga CL (Re-edited) Bible (BSI)

⁴⁴ (Tile pano pithe ye thive chemo, eno ami ye inheve chemoe.)

BAIBEL (BSI)

⁴⁴ [Tilehiye panongu pithe khilemu thichemoe,eno ami khilemu inhechemoe.]

Sümi Tiqhelimi Bible

⁴⁴ Tilehi, “ ‘apithe panongu tsaqhi achekeu ye khilemu thive chemo eno ami ye khilemu inheve chemoe.’

Mark 9:44 ပူးပေါင်းရင်းမြစ်များ

ISAIAH 33:14

Zion lo axinemi, mithekumomi ye thüthüshi akümsa no tshüluvae. “Ningu khuu no ami lo ngoluni kea? Khuu no alhomi lo xüluni kea?”

ISAIAH 66:24

“Eno panongu no kuwolau ye khunono I mjochile keno tipaqo kithi kumo ithulu nani. Kughengu panoqo kumo lo apitheqo ye khilemu thimo nani, eno ami no panoqo piti akeu khilemu inhemo nani. Panoqo ye timi kümtsü lau aphikümqhüpu shi ache nani.”

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

Mark 9:43

Ikehu o u no o pelo axine shipe cheghi aye micheve lo. O ghenguno au kini xapusü ghapinhe kümlapu miyizü lo ilove kepu ye au kinitave no aküxüpu lo ilolu keu pavi.

Mark 9:45

O pukhu no o pelo axine shipe cheghi aye micheve lo. O ghenguno apukhu kini xapusü amiyizü lo vesüvepe kepu ye apukhu kinitave no aküxüpu lo ilolu keu pavi.

Mark 9:48

‘tile pano pithe ye thive chemo, eno ami ye inheve chemoe.’

2 Thes. 1:9

Panongu ye lhokta kütsakungo keu ghime sholu nani, Ampeu zülono eno Pa kumto jekipi lono hapheve nani,

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”