MALAKI 2:11 - Sumi Naga CL (Re-edited) Bible (BSI)

¹¹ Judah ye pükhükümla shi ighivae, Israel eno Jerusalem lo aphikümqhüpu kümla shivae. Kughengu Judah ye Ampeu chineki, khikhi Pa no kimiye cheni keno tipau shipüthave eno inaghami lhou nga sasü külauve ke.

BAIBEL (BSI)

¹¹ Juda lo akemino Alhou lau ashoqhi shikeu kuboleve eno Jerusalem lo ngo aghakhuqha kumtsulo akuighupu lakhi shiveke. Panonguno AMPEU no kimiyechekeu chineki kitiqeveke, kiptimiqono totimi inaghami lhou mlla chekemi sasu kulakupu shiveke.

MALAKI 2:11 ပူးပေါင်းရင်းမြစ်များ

EZRA 10:2

Eno Elam lagha lo Jehiel nu Shecaniah no Ezra vilo pi: “Ningu ye ni Lhou lau aküpülü hexave no aghakhu lo inaghalimi sasü kiye shivae, tishive aghi namu Israelmi ghenguno lajupu aphie.

EZRA 9:12

Tighenguno nongu ngaqo pesü pano puqo tsü kevi, momu pano ngaqo pesü nopuqo tsü kevilo, eno khilemu pano lokughuno momu küakini phu kevilo, tishianguno nongu ye mtotoi luno ayeghi lo akivi chulu nani eno pülhapuju no tianuli ghenguno amheghi lakhi shi qhitsülu nani.’

LESHELE 106:28

Tithiu panongu no Peor lo Baal sasü kuokhasü lakhi shive, eno kithimi lau aghakishi mllave keu chusho;

JEREMIYA 2:3

Israel ye Ampeu lau akimthe shiche, Paw ghilelo xathi amsüu. Ti chukemi kümtsü küqüve; pano shou ahaküsapu ikughive, ipi Ampeu no sheshu.”

JEREMIYA 3:10

Ikeghi li tsünipu Judah no pishikiqhi kümla shi anamu li mlo kuchopu pesü I lau ideighi mono ighike ye shike, ipi Ampeu no asheshu.”

JEREMIYA 7:10

püzü I je lono kukeu ki hipau lo ighi no I zülo puthugho, eno kuchhube kümla hipaqo shi aniye, ‘Ningu ye xaphe luvae’ ipi cheni keshea?

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

EZEKEL 22:11

Khami no pa kisüghüu nipu sasü aphikümqhüpu shi; khami no pa mukishiu shipütha; khami no pa chepu sasü anguka lono sazüke.

HOSIYA 6:7

Ikemu Adam toi panongu no puloshoqhi hebideve; tilau panoqo ye I pükhü mlave.

ACHINE 20:26

Nongu ye I lau akimthe shini, kughengu Ni Ampeu ye akimthe ke, Iw shiniye I no ashiayeqo launo nongu kishe kütüta shike.

MALAKI 1:1

Ampeuw tungkuptsa Malachi vecheo Israel tsü.

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

XAKUTHAMI 3:6

Panongu no pütüta ngaqo sasü külauve, panongu ngaqo pelo pano puqo sasü külape, eno tipaqo lhouqo mllauve.