Luke 6:23 - Sumi Naga CL (Re-edited) Bible (BSI)

²³ Tipa tsala lo alovi eno alokivi shi ilhelo, kughengu kungugha lo nongu jume ye kije ani. Pano puasüqo no titoi tungkupmi peitha püsa cheke.

BAIBEL (BSI)

²³ Kughou tishini keno alokivi shilo eno alovi kelauno ilhelo, kughengu jualo, kungughalo nongu jumeye kije ke. Panongu puasuqo ghi tipaphi shi tungkupmi peitha cheke.

Sümi Tiqhelimi Bible

²³ “Kughou tishini keno tipa tsalani alovishelo eno alokivi lau no ilhe lo, kughengu kungugha lo nonguw qesaxu kijè ani. Kughengu panongu pù-asüqo ghí tipaphi shi tungkupumiqo peitha cheke.

Luke 6:23 ပူးပေါင်းရင်းမြစ်များ

SAMUEL AKINIU 6:16

Ampeuw puloshoqhi bohu pesü David phughi lo iloghi kelo, Saul nonga Michal no alashe lono jupipe, eno Akükau David no Ampeu zülo ilhe cheghi keu ithulu, ikelo li no amlo lono pa jukünathave.

KUKAMI ATUGHIU 18:4

eno kughou Jezebel no Ampeuw tungkupmi heqhi akeno Obadiah no pano 100 sasü amqo kini shino atuki lo küsüve eno asho ngo azü pesü panongu loji.)

KUKAMI ATUGHIU 19:10

Pa no khochile, “Ni ye Ampeu, aqokitikhi Lhou ghenguno aküxü tsücheni. Kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

KUKAMI ATUGHIU 19:14

Pa no khochile, “Ni ye Ampeu aqokitikhi Lhou ghenguno aküxü tsücheni, kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

KUKAMI ATUGHIU 19:2

Jezebel no Elijah lau pi puwu, “Thoghiu hipa ghuloki lo I no o küxü pesü nono tungkupmi lau shike toi shimo aye, alhouqo pelo niu heqhi pithive peniu.”

KUKAMI ATUGHIU 21:20

Ahab no Elijah vilo pi, “I ghümi, no ye I phuluve akea?” Elijah no khochile, “Iyei, I no o phuluvae kughengu no ye Ampeu zülo kiu no achipi kumo keno shinike o jesüvae.

KUKAMI ATUGHIU 22:27

ishi pilo, ‘Akükau no ishi piani, “Timi hipau akughuki lo khatha püaghi lo eno I no akivishi ideighi moke kutolo asho ngo azü likhi pesü tsülo.”’”

KUKAMI ATUGHIU 22:8

Israel kükau no Jehoshaphat vilo pi, “Ampeu lau ighiju luni keu milakhi Imlah nu Micaiah aphi, ikemu ni ye pa mithie, kughengu pa ye alhoksa thono I ghenguno khilemu tungkuptsa akivi pitsü chemoe.” Jehoshaphat no pi. “Akükau ye tishi pikepu kumoe.”

KUKAMI AKINIU 6:31

Pa no pi, “Shaphat nu Elisha kütsü no pa bighi shou akeloye Alhou pelo ishi tsala lono hitoi I lau shipeniu.”

YEKIKITHI AKINIU 36:16

Ikemu panongu no Alhou tsapemi thaigha, eno Ampeu loghu no panongu shou ikughi moke kutolo eno ti küghüqü luni keu kühave moke kutolo, Pa tsa jukünatha eno Paw tungkupmi junuqhi ke.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

LESHELE 58:11

Timiqo no pi nani, “Mtsüqheino amikuchomi ghenguno asaxü ani; mtsüqheino ayeghi shou xaküthau Alhou ani.”

ISAIAH 35:6

apukhu kinitave kemi no ashe toi kakashi ilhe eno atsa pikümlami no alovi ale phe nani. Kughengu qhaike yeghi, asayeqha lono azü puipeghi no qowulu ke;

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

Luke 1:41

Kughou Elizabeth no Mary sütsa chilu keno, li polo anu huno ithauve no li ye Aghungu Kimthe no chhitoive,

Luke 1:44

Kughengu kughou ow pethakütsü I kini lo iloghi keno, I polo anu akeu no alovi ilheuve ke.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

Apostolmi 14:10

asütsa kuloghi lono pi, “Müzüchoi puthugho lo.” Timi huno ilhethu ala chethuve.

Apostolmi 3:8

Pa no ilhethu puthughove no alache thuve, eno ilhe iku-iqi alachesü Ampeu sheqhe ghi pama sasü achineki lo ilove.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 5:3

Tinguno alau niw shiluküsa lo ghi ningu ye aloviqhiyi acheni, kughengu nino ithi akeu no shiluküsa huno kheakulu iqiphe cheni,

2 Kor. 12:10

Ikehu Khristo ghenguno miqemlei keu, thaigha keu, aghime, kijipüsa keu, eno amhekiqi sholu kelo ni ye aloqiqhiyi cheni. Kughengu kughou I no miqemlei ani keno, tileno ni ye mtotoilu cheni.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

IBRIMI 11:26

Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

IBRIMI 11:6

Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 2:26

Khuu no theqhilu no ashekha kutolo I kümla shini keno, pa pelo shiyeqo shou ayepe penike I no kükagha tsü nani,

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.