Luke 21:27 - Sumi Naga CL (Re-edited) Bible (BSI)

²⁷ Tileno Timi Nu no aküka eno ajuküvü kuloghi shi khüngküsü lono ighi keu timiqo no ithulu nani.

BAIBEL (BSI)

²⁷ Tithiu Timi Nu ipeghi nani, khungkusu lono akuka kije eno mulapuyi ighini.

Sümi Tiqhelimi Bible

²⁷ Tipau ghuloki lo panongu no khüngküsü lo Timi Nu no aküka eno ajuküvü kijè lono ighi keu ithulu nani.

Luke 21:27 ပူးပေါင်းရင်းမြစ်များ

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

MATTHEW 26:64

Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

Mark 13:26

Tileno Timi Nu ye aküka eno ajuküvü kuloghi shi khüngküsü lono chekeu kümtsü no ithulu nani.

Luke 21:26

Timiqo no ayeghi lo kiu chea keno kümsü juno akümsa lono ikiqi thiuve nani. Kughengu atsütsü qholo aküka jeli akeqo süküghütha nani.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

Piyeküsü 14:14

Itaghi I no pishipuwo jukelo khüngküsü metsüghoi ke lakhi ithulu, eno timi nu toike lakhi no tipau shou iqa no ameshoyi kütsükuqho pusü pa u lo ayevü kütsügha lakhi pecheghi.