Luke 19:38 - Sumi Naga CL (Re-edited) Bible (BSI)

³⁸ “Ampeu je lono akükau khuu cheni keno Alhou no kümgha tsülo! Kungugha lo iqüghai eno kungugha kiqhe lo ajekipi shilo!”

BAIBEL (BSI)

³⁸ Panongu no pi: “Alhou no akukau kumghatsulo, khuuno Ampeu je lono cheni keno! Kungughalo alakishi eno Alhou jekipi shilo!”

Sümi Tiqhelimi Bible

³⁸ “Akükau khuu Ampeu je lono cheni keno pa ye akümghau ke!” “Kungugha lo aloino keu alo eno akiqheu Lhou sheqhelo!”

Luke 19:38 ပူးပေါင်းရင်းမြစ်များ

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 2:2

eno ighiju, “Jewmi kükau shiniye akeu khuu anileshi punu püani keno, anu hu khile ani kea? Kughengu ningu ye kipelau no pa yepu ipeghi keu ithulu kehu pa mlla nike ighi ani.”

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

Luke 13:35

Julo, nongu ki ye küghüvae. Eno I no nongu vilo piani, nongu no, ‘Ampeu no khuu Pa je lono cheni keno kümgha tsülo!’ ipi moke kutolo nongu ye ni ithulu moae.”

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

Ephesiami 1:12

tishianguno ningu khunoqo paghino Khristo lau lajubelu keno, Alhou jekipipu sheqheni keu lo ghi titoi peniye ke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

Ephesiami 3:10

tishianguno akukuhou vecheo Alhou lokütsü, thokha kümtsü lo aghola kütüta lono pephe chekeu, pesü itehi ye kungulo yepemi eno aküka kumtomi lau kilethi tsüniye ke.

Ephesiami 3:21

tiqheli kümtsü lo ashekha-aghile küha akukuhou vecheo eno Khristo Jisü gholono Pa lau ajekipi apelo! Amen.

Kolosiami 1:20

eno ayeghi lona kungugha lomu Anu vecheo thokha Pa lau alupekili niye kros lono pa ji pele keu vecheo külashi tsüe.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.