Luke 17:30 - Sumi Naga CL (Re-edited) Bible (BSI)

³⁰ Ikehu Timi Nu pepheni keu tsala lo ghi titoi nani.

BAIBEL (BSI)

³⁰ Timi Nu pephepiyeke tsalalo ghi hitoi nani.

Sümi Tiqhelimi Bible

³⁰ “Timi Nu pephe-piye ke tsalà lo ghí hitoi shi nani.

Luke 17:30 ပူးပေါင်းရင်းမြစ်များ

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 24:3

Jisü no Olive Toghi lo iqa akelo, akhopemi no lomoshi ighi no pa vilo pi, “Kughou no hipaqo shinani eno no ikighi lo ngo tiqheli shekuho lo kiu michipu anani keno ni vilo pitsü nima?”

MATTHEW 24:37

Kughengu Noah tsala lo toi Timi Nu ikighi lo ghi tishi nani.

MATTHEW 24:39

Atshünazü ighi no panongu yipe wuve moke kutolo panoqo ye ithimoe, Timi Nu ikighi lo ghi titoi nani.

MATTHEW 26:64

Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

Mark 13:26

Tileno Timi Nu ye aküka eno ajuküvü kuloghi shi khüngküsü lono chekeu kümtsü no ithulu nani.

Luke 17:24

Kughengu tsütsüpha no atsütsü halau no halau kutolo yepüvü ketoi Timi Nu ghi pa tsala lo titoi shi nani.

Luke 17:29

ikemu kughou Lot no Sodom lono ipeve keno, tipani kungugha lono ami ngo atu toikeu ghuqhi no kümtsü püghave.

Luke 21:22

kughengu yepüa keu kümtsü shikupu keu shi hi ye amkhükulu ghuloki ake.

Luke 21:27

Tileno Timi Nu no aküka eno ajuküvü kuloghi shi khüngküsü lono ighi keu timiqo no ithulu nani.

1 Kor. 1:7

tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

Kolosiami 3:4

Khristo, khuu nongu küxü keno, pa no ipeghi kelo, nongu ghi ajuküvü lono pa gholo ipeghi nani.

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.