LESHELE 98:1 - Sumi Naga CL (Re-edited) Bible (BSI)

¹ O ale kithe phepe Ampeu shipili lo, kughengu Pa no akümzapu thimeqo shike; Pa u ajeu eno Pa kimthe u no pa ghenguno xakulu süghike.

BAIBEL (BSI)

¹ Akithele phepe AMPEU shipililo; pano akumzapu kumla shike; Pa kuka eno pawu akimthe kumtono tokulu shilupe ani.

LESHELE 98:1 ပူးပေါင်းရင်းမြစ်များ

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

JOB 40:9

No ye Alhou u kumto toikeu ani keo, eno Pa sütsa toi mghachhoi ighalu nani keshea?

LESHELE 105:5

Akichiqhipu kümla Pa no mla keqo, Paw akümzapu eno Pa no piqhikeu küghaküthaqo kümsülu lo.

LESHELE 136:4

Pa likhi no akümzapu kije shipiyelu cheni, kughengu Paw iqemokeu kikimiye ye alholo acheni;

LESHELE 139:14

I no O she ani, kughengu akichiqhipu eno akümzapu shi I lho püanie. O kümlaqo ye akümzapu; I ngulho no mtsümishei ithi ani.

LESHELE 149:1

Ampeu sheqhelo! Ampeu lau ale kithe phelo, Pa shekiqhe le küpülümi hoho lo phelo!

LESHELE 33:3

Asütsa kuloghi lono akighilebo küigha ale kithe Pa lau phelo.

LESHELE 72:18

Ampeu, Israel Lhou sheqhelo, Pa likhi no akümzapu thimeqo shi cheni.

LESHELE 77:14

No ye akümzapu shiche keu Lhou ke; Nono timiqo gholo o kumto pephe piyeke.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

LESHELE 89:14

Achipiu mikucho eno kuchou xakütha no O kükalakhü boqha; iqemokeu kikimiye eno pükhükulu no O züu checheni.

LESHELE 96:1

O Ampeu lau ale kithe lakhi phelo; ayeghiqha kümtsü no Ampeu lau ale phelo!

LESHELE 96:3

Shiye kümtsü lau Pa juküvü eno timiqo kümtsü vilo Paw akümzapu kümlaqo sheshulo!

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

IPEKULU 15:6

O Ampeu, O u ajeu küka jekipipu, O Ampeu, O u ajeu huno aghümi kütsa cheni.

ISAIAH 12:5

“Ampeu no akümzapu mlatsü ke Pa lau shekiqhe le phelo; ayeghiqha kümtsü no hi ithi pelo.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

ISAIAH 63:5

I no pishipuwo juke ikemu milakhi mu I kuphuni kemi kühave; Ni ye akichiqhive ikemu khunomu ti ithi tsümoe; ikehu ni ampi no Iw xakulupu süghi, eno I loghu no I süqheke.

JEREMIYA 31:22

O aküpülü kükühau atotiu, no ye khitohi künachoni kea? Kughengu Ampeu no ayeghi lo thime kithe lhophevae: totimi kiptimi süho luve nani.”

Luke 1:49

kughengu akumtou huno I ghenguno thime kije shive tsüae, Pa je ye akimthe ke.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Apostolmi 19:20

Hitoi Ampeu tsa ye alau veküpha wove no mtotoi thuwuve.

Apostolmi 2:11

Jewmi eno Judah chineye luve kemi, Cretemi, Arabiami, ikeghi panongu no Alhouw akümzapu kümla ghili pikeu ningu tsauno chilu anie.”

Kolosiami 2:15

Pa no yepemi ngo aküka jeli liluve tsüno panongu shou toluve keu vecheo ikhikiphe shi panongu shikujove.

Piyeküsü 14:3

panongu ye kükalakhü, aküxüküa lhoxü bidi eno layemiqo zülo puthugho no ale kithe pheae. Ayeghi lono xachilelu kemi pano lakh lakhi qhethonhe lhobidi bidi no kumo aye khunomu ale tipau phemlae.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 6:2

I no jupuwo kelo khurshi kimiye lakhi aghi! Ti sakicheu u lo shexilika ae, eno akütsükuqho pa tsü püakeu xapu aghü lo tokulumi shi ghi itaghi lewu nike ipeghi.