LESHELE 95:6 - Sumi Naga CL (Re-edited) Bible (BSI)

⁶ O ighilo, ningu itsaqi no Pa mllani; Ampeu ni Lhoküsüu zülo qhoqhünheni nolo!

BAIBEL (BSI)

⁶ Ighilo, ningu itsaiqi puzu pa mlanike; ningu AMPEU niLhokeu zulo qhoqhunhe nike!

LESHELE 95:6 ပူးပေါင်းရင်းမြစ်များ

KUKAMI ATUGHIU 8:54

Kughou Solomon no Ampeu kümlla khache zülo qhoqhünhe no kungugha küdau pa u peqhepe akighini eno qhüiniju keu shitave keno, pa no tileno ithughive.

YEKIKITHI AKINIU 29:28

Ahohomi kümtsü no Alhou mlla, eno alephemi no ale phe no afuko kipemi no afuko igha. Akipti kümlla no tave moke kutolo tishi ae.

YEKIKITHI AKINIU 29:29

Ti tave kethiu no akükau Hezekiah ngo timi kümtsü no pishiqhope Alhou mllae.

YEKIKITHI AKINIU 29:30

Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

YEKIKITHI AKINIU 6:13

Solomon no alazayi khache mlano aki alou amta lo qhipüa keu lo puthugho luve; ti ye akushulau eno akijelau aunhekipshe tsüni tüxaxa, eno akiqhelau aunhekipshe bidi tüxa. Pa no Israelmi kümtsü zülono qhoqhünhepe pa u kungugha küdau chhopuku,

EZRA 9:5

Eno avela ghakishi do ighi kelo ni ye I phimini küixü xapu kümvü tave, I no qhoqhünhe luve no Ampeu I Lhou lau I u xachhope

JOB 35:10

Ikemu khunomu ishi pi chemoe, ‘I lhokeu Lhou, putho lo alovilupe chekeu ye khile ani kea?

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

LESHELE 119:73

O u no ni lhoe eno I pesü kogheküghü kivi shi tsüe; vethakulu I tsülo eno ni ye O zakütsüqo shikalu nani.

LESHELE 139:13

Kughengu I lolo aleqhi kümtsü Nono lhosüke; I za tita lo Nono I ghoküna küqha tsüke.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 72:9

Asayeli lo shiayeqo no pa zülo qhoqhünhe pelo, eno pa ghümi no ayeghimkhu damine pelo!

LESHELE 95:1

O ighilo, ningu Ampeu lau ale pheni; ni xakulu tuqu lau alokivi ghügha ighani nolo!

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

ISAIAH 17:7

Tipa tsala lo timi no Lhoküsüu Israelmiw Akimtheu lau jupuku nani.

ISAIAH 44:2

O lhokeu Ampeu, khuu no atita lono o lho eno o kuphu nani keno Pa no ishi piani: O I qeu Jacob, msa kevilo, I no kisheluve keu Jeshurun.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

HOSIYA 8:14

Kughengu Israel ye pa Lhokeu kümsümave no akighikiqo shi, eno Judah no aliwo kuptu phughiqo küghüsü shiqhevae; tighenguno I no pa phughiqo shou ami puwu tsüni, eno tino liw sükusho-aqo pitileve tsü nani.

MATTHEW 4:2

Putho pucho tsala lhobidi kümvüve kethiu pa ye müzüthive.

MATTHEW 4:9

Eno pi, “Nono itsaqi no I mllave aye, I no hi kümtsü o tsüveni.”

Mark 14:35

Pa no kitila azüu chewu kithishi iqi ayeghi lo pa gi daluve, eno shilu aye pa launo atüqhüdo hu putosüve tsü penike inikhu.

Luke 22:41

Tishino pa ye atu vepuwo tokulupu qhemi lo wuno qhoqhünhe pe ishi inikhu,

John 1:3

Pa vecheo thokha lho eno Pa sümo keloye kiumu lho püamoe.

Apostolmi 20:36

Kughou pa no hipaqo pive keno, panongu kümtsü sasü qhoqhünhe no akighini shi.

Apostolmi 21:5

ikemu atsala tove kethiu, ningu ye wuve. Panongu no anipu anuli kümtsü sasü aphughi khalau no ningu phepuwu. Eno azüghimkü lo qhoqhünhepe ningu no inikhuve

Apostolmi 7:60

Pa no qhoqhünhe pesü asütsa kuloghi lono ighamku, “Ampeu, hipau xine panongu shou betsü kevilo.” Hi pive no pa ye zühuve.

1 Kor. 6:20

kughengu nongu ye ame no qhüluvae. Tighenguno nongu phimpi lono Alhou juküvüpu shilo.

Ephesiami 3:14

Akiqi hipau ghenguno ni ye Apu zülo qhoqhünhe cheni,

FILIPIAMI 2:10

ikehu kungugha eno ayeghi lo ngo ayeghi qhou akemi kümtsü no Jisü je kukelo qhoqhünhe masa nani,

1 Peter 4:19

Tighenguno, khunono Alhou pulou kiqi lono ime cheni keno pano ngulho pesü pükhübekulupu Lhoküsüu lau kulhuqhive tsü ghi akivi mlalo.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 22:8

Ni John no thime hipaqo chilu eno ithulue. I no hi kümtsü chilu eno ithulu kelo kungumi khuu no hipaqo pesü I piye keno pa mlla nike pa pukhu philo itsaqi