LESHELE 84:11 - Sumi Naga CL (Re-edited) Bible (BSI)

¹¹ Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

BAIBEL (BSI)

¹¹ AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

LESHELE 84:11 ပူးပေါင်းရင်းမြစ်များ

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

LESHELE 119:114

No ye I küghütshü-a eno I züto; O tsa lo I no lajube cheni.

LESHELE 15:2

Timi khuu no tichetighe küha, achipiu shicheni eno pa mlo lono kuchou tsa pi cheni keno;

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 3:3

Ikemu, O Ampeu, No ye I vehope akeu züto ke, I juküvü, eno I kütsü peqhe kütsüu ke.

LESHELE 47:9

Abraham Lhouw timiqo toi ashiaye kükapumi no hekütsü. Kughengu ayeghi züto ye Alhou u lo ani; Pa ye chuqumghai süqhepe anie!

LESHELE 84:9

O züto julo, O Alhou; Nono nukishe luve keu gi lo jupuku tsülo!

LESHELE 85:12

Iyei, kiu no akivi keno Ampeu no tsü nani, eno ningu yeghi lo tipau ikoishe ghile hulu nani.

AHOLE 10:9

Akikhishi xükemi ye sükusho acheni, ikemu khuu no pa küxü la tuchighive akeno phuphe luve nani.

AHOLE 2:7

Pa no amikuchomi sala peitha kulupu lokütsü pükhatsü cheni; Pa ye akikhishi xüche kemi züto,

AHOLE 28:18

Akikhimi ye xaphe luve nani, ikemu chighichilai kemi ye züleno ikiqive nani.

AHOLE 28:6

Kumlhomi shino akikhishi xükeu no kinimi shino chighichilai xüche keu nguno akiviu ke.

MICAH 2:7

Hitoi pi kepu keshea, O Jacob laghami? Ampeu ye kutuumla aya keshea? Hipaqo ye Pa kümla keshea? I tsapi ye müzüchoi cheche kemi lau akivi shilu chemo keshea?

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

John 1:16

Paw kupukülai keu lono ningu kümtsü no küpükini shou küpükini ithuluvae.

John 1:9

Aküvü kuchou khikhi timi kümtsü yepüvü cheni keno tipau ayeghi lo ighi niye shiae.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

Galatiami 2:14

Ikemu kughou I no panongu ghili-aye ithulu keno panongu ye kuchou tsakiviu lo cheghi move kehu I no panongu kümtsü zülono Cephas vilo pi, “Nono Jewmi keghi Jewmi toi mono Jewkumomi toi xü aye, no ye kishino anguka lono Jewkumomi vilo Jewmi toi xülo piluni kea?”

ZAKINIU 18:2

Panongu ye pano thiküzümi gholo amheghi ighimoni; Ampeu no panongu mheghi ke, ti ye Ampeu no tushoqhive keue.

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

FILIPIAMI 4:19

Ikehu I Lhou no Khristo Jisü gholo Pa juküvü kinikülü shi akeu kiqi lono nongu vehupu kümtsü kumkhotsü nani.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.