LESHELE 8:2 - Sumi Naga CL (Re-edited) Bible (BSI)

² Nono amkhü kulumi ngo aghümi ghasüve niye Anga kughunu ngo ititunu kichi lono, O ghümi ghenguno akumto ghope qhie.

BAIBEL (BSI)

² Oghumiqo launo noye mutotoi eno ithamo kepushi ani; nono aghumi omjochilekemi ghasuke.

LESHELE 8:2 ပူးပေါင်းရင်းမြစ်များ

LESHELE 148:13

Panoqo pelo Ampeu je sheqhe pelo, kughengu Pa je likhi no akiqheu ke; Pa kükanguagha ye ayeghi ngo atsütsü shou ani.

LESHELE 4:4

Amloide lo, ikemu axine shi kevilo; nongu lüpa lo akelo amlo lono kümsü julo, eno iqünhei lo.

LESHELE 44:16

thoküghami ngo msükutho chekemi sütsa chilu kelo, aghümi ngo amkhükulumi zülo akukujo no I gi küzü luvae.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 57:6

Panongu no I pukhu lo ayitho thepe qhitsüe; I ngulho no aghimeküsa shive. Panongu no I la lo aqo chhupe qhi, ikemu pano likhi pano no tile ikiqi ilovae.

IPEKULU 11:7

Ikemu Israelmi eno panow lhoxü shou ye atsü nomu gheha monani, tishikeu lono Ampeu no Egyptmi ngo Israelmi dolo kiyeqü keu shi püatsü anie pi nongu no ithi nani.’

IPEKULU 15:16

O Ampeu, Ow timiqo no heche wumoke kutolo, Nono qhüluve keqo no kathasü wulu moke kutolo, akümsa ngo aküighüpu no panoqo shou ikughie; O u kumto ghenguno panongu ye atuqu toi inaqhoivae.

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

AMUS 5:9

Pa no akumtomi shou züleno kütsakungo keu puwu, tishianguno aliwo shou kütsakungo keu ighi cheni.

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

MATTHEW 21:16

eno panongu no pa vilo pi, “Hipaqo no kiu piani keno no ye chilu anima?” Jisü no panoqo vilo pi, “Iyei; eno nongu ye ishi yepüa keu phimla aphi keshea? “‘Itimi ngo angakughunuqo kichi lono akiqheu shekiqhe tsü penike nono kuto tsüe.’”

Luke 10:21

Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.