LESHELE 72:17 - Sumi Naga CL (Re-edited) Bible (BSI)

¹⁷ Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

BAIBEL (BSI)

¹⁷ Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

LESHELE 72:17 ပူးပေါင်းရင်းမြစ်များ

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

SAMUEL AKINIU 7:13

Pa no I je lono aki shiqhe nani, eno I no alhokupuju pa kükalakhü iqhikumto tsü nani.

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

YEKIKITHI ATUGHIU 17:12

Pa no I ghenguno achineki shitsü nani, eno I no alhokupuju pa kükalakhü iqhikumto tsü nani.

LESHELE 21:7

Kughengu akükau no Ampeu shou pükhübe ani, Shishe Akiqheuw iqemokeu kikimiye vecheo pa ye ithamo nani.

LESHELE 45:17

I no tiqheli kümtsü lo o je kümsülu chepe nani; tighenguno shiyeqo no alholo o sheqhe chenani.

LESHELE 89:36

Pa tikughuko ye alholo ache nani khetsünhe ake tivilo pa kükalakhü ye I zülo anani.

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

Luke 1:48

kughengu Paw aqhokigheu qeliu shou Pa no jupukue. Ikehu itehi ye tiqheli kümtsü lo ni ye akümghaue pi kuniae;

Apostolmi 3:16

Eno pa je pülülu keu vecheo timi hi, khuu nongu no ithulu eno ithi ani keno, akumto tsüe, eno Jisü vecheo aküpülü huno nongu kümtsü zülono timi hipau phimpi shipivivae.

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Ephesiami 3:14

Akiqi hipau ghenguno ni ye Apu zülo qhoqhünhe cheni,

FILIPIAMI 2:10

ikehu kungugha eno ayeghi lo ngo ayeghi qhou akemi kümtsü no Jisü je kukelo qhoqhünhe masa nani,

Kolosiami 1:3

Kughou nongu ghenguno inikhuni keno, ningu ye alhokuthu ni Mpeu Jisü Khristo Papu Alhou shikimthi acheni,

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”