LESHELE 7:9 - Sumi Naga CL (Re-edited) Bible (BSI)

⁹ O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

BAIBEL (BSI)

⁹ Kusakughamino alhoksa kumla shichekeu hakhave tsulo, Ikemu amikuchomi xaqhelo. Nono timi mlo eno timi kukumsu lheju chekeu, noye amikucho Lhou ke.

LESHELE 7:9 ပူးပေါင်းရင်းမြစ်များ

BOTHUBO 20:5

Pa ye I vilo, ‘Li ye I chepu’ ipike kumo? Eno li ghi, ‘Pa ye I mu’ ipi li ampi no pie. I mlo lo akikhi eno I u lo akipimi kühakeu lono ni ye hipau shivae.”

KUKAMI ATUGHIU 8:32

kungugha lono ini tsüno o qeu lau küghatha tsülo eno küqüve keu ghime lo, ikemu amikuchou ye pa mikucho kiqi lono asaxü tsülo.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

LESHELE 10:15

Kixikilami ngo küsaküghami u hechheve tsülo; paw kixikila kühave moke kutolo kichephe tsülo.

LESHELE 10:18

mighimi eno qodaqhi akeqo lau kuchou xakütha tsü nani, tishikeu lono ayeghi lomi no shithüghüi kithemo nani.

LESHELE 11:5

Ampeu no amikuchomi peju cheni, ikemu Pa ye kixikila eno ngukangugha shikemi mithi ke.

LESHELE 139:1

O Ampeu, Nono I phujuvae eno ni ithivae!

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

LESHELE 18:21

Kughengu I no Ampeu laghi pape, eno kixikila shi I Lhou launo tsüghüve moke.

LESHELE 26:2

I phuju lo, O Ampeu, eno I pejulo; I mlo eno I kükümsü pejulo.

LESHELE 35:23

I Lhou eno I Mpeu, I ghenguno ithulo, No ampi haputhu no I saphu tsülo!

LESHELE 37:23

Kughou Ampeu no milakhi jupe amloqi luni keno pa laghi iqhikumto tsü cheni;

LESHELE 40:2

Pa no aküighüpu kuthoku lono eno anixoxo lono I sünhephe luno I pukhu pesü atuqu shou ghope qhitsü, eno I nepa mtotoi shitsüe.

LESHELE 43:1

I chipiu she petsülo, O Alhou, Alhou kümthami lachile no I tsakükügha lo I süsho tsülo, pishikiqhimi eno achipikumo shiche kemi launo I xalulo!

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

LESHELE 58:6

O Alhou, panoqo kichi lo ahu helave tsülo; O Ampeu, abongshuu lhothe hu akütsüghau helave tsülo!

LESHELE 9:9

Ampeu ye qhasüpe akemi ghenguno sükusho-a ke, aküpüna ghuloki lo sükusho-a lakhie.

LESHELE 96:10

Shiyeqo vilo pilo, “Ampeu no ayepe ani! Iyei, ayeghiqha ye mtotoi ani eno khilemu ithavemo nani; Pa no achipiu xakütha pesü timiqo shou küghatha nani.”

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 20:12

O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

Apostolmi 12:23

Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.