LESHELE 61:8 - Sumi Naga CL (Re-edited) Bible (BSI)

⁸ Ikehu I no tsala kipetsü I shoqhi shikupu keu shi alholo O je sheqhe ale pheni.

BAIBEL (BSI)

⁸ Ike niye pulhapuju oje sheqhe oshipilini, tiye ino shinikeu shi piqhivekeu pesu tsalakipe tsulo omllanike.

LESHELE 61:8 ပူးပေါင်းရင်းမြစ်များ

SAMUEL AKINIU 15:20

No ye ighina no ighi aphi püzü ishi ye I no khila wucheni keno mthamu ningu gholo o sawuveni keshea? O thiküzümi sasü idewove lo, Ampeuw iqemokeu kikimiye eno pükhükulu o piye penie.”

LESHELE 146:2

I no xüake tivilo ni ye I Lhou sheqheni. I küxü akelo ni ye I Lhou lau shikipili le pheni.

LESHELE 30:12

tishino I juküvü no O sheqhe eno inaqhoive pemoe. O Ampeu I Lhou, ni ye alhokuthu shikimthi keu O tsü nani!

LESHELE 40:12

Kughengu kihikhakümla küküpna jeli no I sühope ani; I xine no I haluvae eno ni ye kiumu ithulu movae; tipaqo ye I kütsü lo asa nguno akichiu ani eno I mlo hauvae.

LESHELE 65:1

O Alhou, Zion lono O sheqheni keu ye aküzüpue eno O lau tushokiqhi shikupuni.

LESHELE 71:22

O I Lhou, O pükhükulu ghenguno I no akighilebo pesü O sheqheni. O Akimtheu, Israel Lhou, I no küghaküsü lebo pesü O shipilini.

LESHELE 79:13

Ikemu ningu Ow timi, O tsüni kümtsha lo ambeqo ye alholo shikimthi keu O tsüni; tiqheli tiqheli kutolo ningu no O shekiqhe le pheni.

LESHELE 89:5

O Ampeu, kungugha no O kümzapu kümla, akimthemi hoho lo O pükhükulu ghili sheqhe pelo!