LESHELE 51:13 - Sumi Naga CL (Re-edited) Bible (BSI)

¹³ Tileno hekibidemi lau I no O laghiqo shika piye nani, eno axinemi no O lau xaide ighi nani.

BAIBEL (BSI)

¹³ Tishianguno ino oyezah pesu axinemi shikapiyelu nani, eno panonguno olau xaide ghilu nani.

LESHELE 51:13 ပူးပေါင်းရင်းမြစ်များ

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 25:4

I pelo O laghi ithilu pelo, O Ampeu; O laghiqo I shika tsülo.

LESHELE 25:8

Ampeu ye akivi eno achipiu; tighenguno Pa no axinemi lau Pa laghi kütsüshika cheni.

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

JEREMIYA 31:18

Ephraim mloghuju I no chiluvae, ‘Nono I sakiyi, eno ni ye qophe mphi keu mishiti toi ghasü luvae; I sachile ighilo eno ni ye athoputho luve nani, kughengu No ye I MPEU eno I Lhou ke.

MATTHEW 18:3

eno pi: “Kuchou no I no nongu vilo piani, nongu no aküxü kililu no itimi toi shimo kelo nongu ye khilemu Kungugha yekipe lo ilomo nani.

Luke 22:32

ikemu o küpülü itha pemoni ke I no o ghenguno inikhuvae. Kughou nono ideighini keno, o thiküzümi shikumto lo.”

Apostolmi 13:10

eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Apostolmi 15:3

Akukuhou no panongu puwuve, eno panongu no Phoenicia ngo Samaria kathasü wuno Jewkumomi no kishi Alhou lau xaide ighilu ani keno chixechilei lhepiye, eno küpülümi kümtsü lau shishe alokivi süghi tsü.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,