LESHELE 51:1 - Sumi Naga CL (Re-edited) Bible (BSI)

¹ O Alhou, Ow iqemokeu kikimiye vecheo I kimiyekütü tsülo; Ow kikimiye kupukuno shi akeu vecheo I hekibideqo nuxave tsülo.

BAIBEL (BSI)

¹ Ikimiyekutu tsulo, O Alhou owu iqemokeu kimiyekini, eno okikimiye kupukunoshi akeu kiqi lono ixine nuxa puhave tsulo!

LESHELE 51:1 ပူးပေါင်းရင်းမြစ်များ

SAMUEL AKINIU 11:2

Ghulo lakhi avelau David no pa zü-a lono ithughi no kükaki kütsüqa lo ala cheche kelo, pa no akütsüqa lono totimi lakhi azü kuchhu aghikeu ithulu; li ye ighono ajukivie.

NEHEMIA 4:5

Pano kipimi pevetsü kevi, pano xine kümsümave tsü kevilo, kughengu pano no akümla kishimi zülono O pelo amloide ani peke.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

LESHELE 106:7

Kughou ningu puasüqo no Egypt lo ache keno, panongu ye Ow akümzapu kümlaqo kihiju moe; panongu ye Ow iqemokeu kikimiye kupukuno shi akeu kümsülu move, ikemu azüghi, Akuhu Züghi lo cheche kelo panongu no hebideve.

LESHELE 109:21

Ikemu O Ampeu I Lhou, O je ghenguno Nono I züqhulo mla tsüke; kughengu Ow iqemokeu kikimiye ye aloke, I xalulo!

LESHELE 119:124

Ow iqemokeu kikimiye kiqi lono O qeu peitha lo, eno O zakütsüqo I shika tsülo.

LESHELE 145:9

Ampeu ye kümtsü lau aloe, Paw kimiyekini ye Pa no lhokeu kümtsü shou ani.

LESHELE 4:1

O I chipiu mikucho Lhou, I no O kukelo I khochile lo! Kughou I no aghime lo akeno Nono akukuphu I tsüe. I lau küpüqhiyi tsülo eno I kighini chilu tsülo!

LESHELE 40:11

O Ampeu, Nou ye Ow küpükini I launo ikhivemo nani; Ow iqemokeu kikimiye eno pükhükulu no I püxüpe anani!

LESHELE 5:7

Ikemu Ow iqemokeu kikimiye kupukuno akeu vecheo, ni ye O kilo ilolu nani. O sükümsa lono I no O kimthe chineki küdau pishiqho nani.

LESHELE 51:9

I xine lono O gi küsüve tsülo, I kipimi kümtsü nuxave tsülo.

LESHELE 69:13

Ikemu ni ye O lau I kighini peighi ani, O Ampeu. O Alhou, ikhikulupu dokivi lono Ow iqemokeu kikimiye eno thebei xakulupu akeu lono I khochile tsülo.

LESHELE 69:16

I khochile lo, O Ampeu, kughengu Ow iqemokeu kikimiye ye aloe; Ow kupukuno kimiyeqhiyi keu kiqi lono I lau igho ighilo.

LESHELE 77:9

Alhou ye küpüqhiyi keu kümsümave akeshea? Pa ye amlo kighide lono Paw kikimiye lakhave akeshea?”

ISAIAH 43:25

“Ikeghi Ni ye khuu I likhi I ghenguno nongu xine pevetsü cheni keno Pa huke, I no nongu xine kümsümave tsü nani.

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

ISAIAH 63:15

Kungugha lono pishipiqi ju tsülo, O kimthe eno jukivipu-a lono jutsü lo, O lokümsü ngo O küka khile ani kea? O mlo ighiqhiyi keu eno O kikimiye ni launo süchilevae.

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

JEREMIYA 18:23

Ikemu O Ampeu, panoqo no I pithini ke amqü shi akeu Nono ithi ani. Pano kipimi qhitsü kevilo, momu O zülono pano xine nuxave tsü kevilo. O zülono panongu ikhive lo; O mlokighide lono pano kuto tsülo.

AKUMLO 3:32

Pa no amloksa süghi namu Paw iqemokeu kikimiye kupukuno shi akeu kiqi lono Pa ye kimiyeqhiyi nani;

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

DANIEL 9:9

Kikimiye eno akipimi qhikütsü ye Ampeu ni Lhouw ke, kughengu ningu no Pa hebideve

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

Kolosiami 2:14

ti ye ayezah kiqi lo ningu pi-ashe yekithi püakeu no ningu shou kükhaküla akeu ikhive tsüke. Pa no kros lo ti yedave tsükeu lono ikhive tsüe.