LESHELE 5:10 - Sumi Naga CL (Re-edited) Bible (BSI)

¹⁰ O Alhou, panongu pelo pano kipimi xapu pelo; pano mijekütsü lono ikiqive pelo; panoqo xine ihulove akehu hapheve lo, kughengu panongu ye O hebidevae.

BAIBEL (BSI)

¹⁰ Panongu kileqhiveno ghimelo, O Alhou; panoqo pelo pano muqu lo ilulo pelo. Panongu xine kumzapuke ghenguno panoqoye ozulono haphevelo, kughengu panonguno ohebide ipeghike.

LESHELE 5:10 ပူးပေါင်းရင်းမြစ်များ

SAMUEL AKINIU 15:31

David vilo ishi pi, “Ahithophel ye Absalom sasü küsüqe akemi gholo anie.” David no pi, “O Ampeu, kimiyeno Ahithophel mijekütsü ye mbomzü shive pelo.”

SAMUEL AKINIU 17:14

Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

SAMUEL AKINIU 17:23

Kughou Ahithophel no pa kükümsü lumokeu ithive keno, pa no paw khurha lo ikuve no pa ghüna lo wove. Pa no pa ki hekütsüve no pa likhi pa tshüqhi pithive, eno pa ye papu kumoki lo shiqhove.

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

LESHELE 10:15

Kixikilami ngo küsaküghami u hechheve tsülo; paw kixikila kühave moke kutolo kichephe tsülo.

LESHELE 107:11

kughengu panongu no Alhou tsa lachile hebide ke, eno shishe Akiqheu kükütsü milive ke.

LESHELE 17:13

Ithulo, O Ampeu! pa mjochile lo, pa qhasüve lo! O zütakikihi pesü kixikilami launo I ngulho xaphe tsülo,

LESHELE 31:18

Kimkimi kichi no jukünatha ghi amikuchomi thogha eno aqheküza shi atsa pichekeu pimlave pelo.

LESHELE 35:26

Khunono I mhekiqi lo alovi akeno pano pelo akukujo lo ilove eno aghüthisüve pelo! Khunono I lachile ghi pano ampi sheqhe cheni keno akukujo eno küthakügha phimini pepu pelo!

LESHELE 55:15

Akithi no pano küghaluve pelo; aküxü no Kithigha lo iqive pelo; kughengu alhoksa no panoqo kungo-a eno pano lolo anie.

LESHELE 66:7

Pa no Pa kumto lono alhokupuju ayepe cheni, Pa nhethi no shiyeqo shou jupuku cheni— hekibidemi pelo pano ampi süqhe ape kevilo.

LESHELE 71:13

I nguku akeqo pelo kujove eno pühave pelo; I ghüza niye akemi pelo atiche shive no kujove pelo.

LESHELE 79:12

Ni cheaxümi no O shou O cheqhi akeu ghenguno aghime ghuthu tsüni kutolo tsülo, O Ampeu!

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

ISAIAH 1:20

ikemu nongu no milive no hebide aye, nongu ye ghüyi lono wove nani; kughengu Ampeu kichi lono piqhivae.”

ISAIAH 63:10

Ikemu panongu no Pa hebideke, eno Pa Ghungu Kimthe pelo amloküsa shipeke; ikehu Pa no panoqo ghümi lau küqhano Pa ampi no panongu sasü aghüshi ke.

AKUMLO 1:5

Li ghümiqo no ampemi shivae; li ghümiqo no kinikülü shivae, kughengu li xine kitikhi ghenguno Ampeu no li ghimeve ke; li nuliqo ye akughumi shisü aghümi no sawuvae.

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

DANIEL 9:9

Kikimiye eno akipimi qhikütsü ye Ampeu ni Lhouw ke, kughengu ningu no Pa hebideve

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”

ZAKINIU 2:30

Ikemu Heshbon kükau Sihon no ningu pelo pa ghakhu katha pemoe, kughengu Ampeu nongu Lhou no pa pelo kuthovi eno hebideve pe, tishikeu lono Pa no ishi kutolo tishi acheke toi panoqo pesü nongu u lo süvetsü niye ke.

SAMUEL ATUGHIU 25:29

Tsala timiqo no o haqhi eno o küxü phuniye shi aye, Ampeu o Lhou no tucho ache keu lono I mpeu küxü ye küxümi gholo küqhape qhitsü nani. Eno o ghümi küxü ye Pa no hevüla kighi lono kihive nani.

SAMUEL ATUGHIU 25:39

Kughou David no Nabal thivae pi chilu keno, pa no pi, “Ampeu khuu Nabal no I thaigha keu mkhü lutsü, eno akumou shiniye akelono Pa qeu hakholu keno, Pa je sheqhelo. Ampeu no Nabal lhoksa pesü pa ampi kütsü lo pukuve tsüae.” Tithiu David no li pesü pa nipu shinike timi puwu no Abigail vilo pi.