LESHELE 47:9 - Sumi Naga CL (Re-edited) Bible (BSI)

⁹ Abraham Lhouw timiqo toi ashiaye kükapumi no hekütsü. Kughengu ayeghi züto ye Alhou u lo ani; Pa ye chuqumghai süqhepe anie!

BAIBEL (BSI)

⁹ Ashiayeh shou ayehpemino Abraham Lhou wu timiqo gholo kuhokumqo. Ayeghilomi shokhalu kepu zutoye Alhou gholo ani, pano shishe akiqheu lono ayehpeke.

LESHELE 47:9 ပူးပေါင်းရင်းမြစ်များ

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

LESHELE 89:18

Kughengu No ye pano juküvü eno akumto ke, eno O kikimiye vecheo Nono ningu kibo süqhe tsüe.

LESHELE 97:9

Kughengu, O Ampeu, No ye ayeghiqha kümtsü shou shishe akiqheu; No ye alhou kümtsü shou qhemghai süqheke.

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

AHOLE 30:5

Alhou tsa ye kümtsü achipi kepi phuphelu cheni; Pa sükusho phuighi kemi kümtsü lau Pa ye azüto lakhike.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Galatiami 3:29

Eno nongu no Khristow ipi aye, nongu ye Abraham polo kughukomi, pikiqhitsa kiqi lono amheghi kiyighimi ake.