LESHELE 42:2 - Sumi Naga CL (Re-edited) Bible (BSI)

² I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

BAIBEL (BSI)

² Niye tughuthi keshi akuxupu Lhou phucheni, niye kughono Alhou zulo wuno pa mlla ngolu nani kya pilae?

LESHELE 42:2 ပူးပေါင်းရင်းမြစ်များ

JOB 23:3

O khileno Pa phuluni keno ithi keaye I no Pa lakhü-a lomu wuni chekeghi lae!

LESHELE 27:4

Thime lakhi I no Ampeu vilo khu ani, ti likhi I no phunani; ti ye I küxü kupuju lo Ampeu kilo acheni keu, Ampeu jukivi shou jupuku eno Pa chineki lono Pa pulou ighijuni keu ke.

LESHELE 43:4

Tileno Alhou kümlla khache lo, shishe I lovilu chekeu Lhou lau wuno akighilebo pesü O sheqheni, O Alhou, I Lhou.

LESHELE 63:1

O Alhou, No ye I Lhou ke; I no puloniqhiyi O phucheni; I ngulho no tüghüthi O laju ani; qhai eno aghime yeghi khile azü küha keno tile akeshi I phi-ashi no thiqhi O laju ani.

LESHELE 63:3

Ow iqemokeu kikimiye ye aküxü nguno akiviu kehu, I kichi no O sheqhe nani.

LESHELE 84:10

Kughengu O chineki lo ghulo lakhi akeu huno khileala ghulo qhethonhe akeu nguno akiviu ke. Kixikilami kilo xüani kepu ye I Lhou ki hukikha kheu shi auve keu pavie.

LESHELE 84:2

Ni ye Ampeu kungo-a kümsükütü kelauno I ngulho no khekulho shi, iyei, thiqhi ani; I mlo eno I phimpi no xüküau Lhou ghenguno alovi ighamku ale phe ani.

LESHELE 84:4

Khunono O chineki lo acheni eno O sheqhe cheni keno alokivipue!

LESHELE 84:7

Panongu no alau-alau akumto shikithe wuve, milakhikhi no Zion lo Alhou zülo ighie.

IPEKULU 23:17

Ampe lo ghuthu küthü now kiptimi kümtsü Ampeu Alhou zülo ighini.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

John 5:26

Kughengu Apu no Pa lolo aküxüpu aketoi, Pa no Nu pelo ghi aküxüpu pa lolo apenike tsüvae.

John 7:37

Aghulhu tsala ashekhau, kümtsü nguno akhotou tsala lo Jisü no puthugho no ighamku pi, “Khukhumu tüghüthi aghi aye, I lau ighi no yelulo.

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,