LESHELE 4:1 - Sumi Naga CL (Re-edited) Bible (BSI)

¹ O I chipiu mikucho Lhou, I no O kukelo I khochile lo! Kughou I no aghime lo akeno Nono akukuphu I tsüe. I lau küpüqhiyi tsülo eno I kighini chilu tsülo!

BAIBEL (BSI)

¹ Kughono ino inikhuni keno ikho chiletsulo O Alhou, isushokuluu! Ino shiluksa shiakelo nono ikuphuke. Ikimiye tsulo eno ikighini initsulo.

LESHELE 4:1 ပူးပေါင်းရင်းမြစ်များ

JOB 36:16

Pa no nou ghi akijiksapu lono müsü saipe khile a-a ililai akeno aqa kivi lo qhi, eno o ghulhu lüpa lo ashiaji küdapu chuqupu qhitsüe.

LESHELE 11:7

Kughengu Ampeu ye amikuchoe; Pa no amikucho kümla kimiye cheni; amikuchomi no Pa gi ithulu nani.

LESHELE 116:16

O Ampeu; ni ye o qeu; ni ye O qeu, O qeliu nu huke. Nono akütsügha lono I kuqhophe tsüke.

LESHELE 116:6

Ampeu no alhoksa küha kemi süsho cheni; kughou I no aküighüpu lo ilove keno, Pa no I xalue.

LESHELE 119:132

Khunono O kimiye cheni keno pano lau tishi cheke toi, I lau tsüghü ighilo eno I küpüqhiyi tsülo.

LESHELE 143:2

O qeu sasü küghakütha lo ilo kevilo, kughengu O zülo xü akemi khumu amikucho kumoe.

LESHELE 17:6

I no O ku ani, kughengu No ye I khochile nani, O Alhou; O kini I lau kugho puwolo; I tsa chilu tsülo.

LESHELE 22:1

I Lhou, I Lhou, No ye kushiye I qhive akea? Kushiye I xaluni keu, I ghime lono putosüve ani kea?

LESHELE 24:5

Pa ye Ampeu launo kükümgha eno Alhou pa xakuluu launo achipiu mikucho ithulu nani.

LESHELE 25:16

I lau tsüghü ighilo eno I lau küpüqhiyi tsülo, kughengu ni ye I likhivae eno aghime shi ani.

LESHELE 31:8

eno No ye aghümi u lo I phesüve mphi; Nono I pukhu pesü ililai ke-a lo ghope qhitsüe.

LESHELE 41:12

Ikemu I kikhi ghenguno Nono I xaqhe nani, eno O zülo alhokupuju ngolupe nani.

LESHELE 42:1

Ashe no atuthu küha aghokiti zü phuche keshi, I ngulho no atuthu küha O phucheni, O Alhou.

LESHELE 45:1

Atsato kivi no I mlo lo qole ani; I no I lejo pesü akükau huthue; I mili ye akiyemi yesüta kutope aketoi ani.

LESHELE 56:1

O Alhou, I küpüqhiyi tsülo, kughengu timi no I qoda ani; atsala kupuju hale ighi akeu no I ghimeqhi ani;

LESHELE 57:1

I kimiyeqhiyi tsülo, O Alhou, I kimiyeqhiyi tsülo, kughengu I ngulho no No ije cheni; kütsakungo keu pasapagha no katha wuve moke kutolo O chishibo qholo I no ijeluni.

LESHELE 6:1

O Ampeu, O mlo kighide lono I sakiyi kevilo, O loghu lono I sakiyi kevilo.

LESHELE 67:1

Alhou pelo ni küpüqhiyi tsüno kümghatsü peniu eno Pa gi küvü ningu lau yepüvü tsü peniu,

LESHELE 76:1

Judah lo Alhou ithi ani; Israel lo Pa je ye kije ke.

ISAIAH 45:24

“I ghili ishi pinani, I lau likhi no achipiu-mikucho eno aküka ani; khunono I mjo cheni keno, tipaqo ye ighi no kujove nani.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

HABAKUK 3:19

Ampeu, Alhou ye I kumto; Pa no I pukhu pe ashe pukhu toi shino akiqhe-a lo chewulu peke. Akighilebo pesü ale shikükau lau.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

2 Kor. 1:10

Pa no akithipu kümsapu lono ningu xaphelue, eno ningu xaphelu nani. Pa no itaghi ningu xaphelu nanie pi ningu ye Pa shou niw lajupu bevae.

2 Kor. 1:8

Athiküzümiqo, ningu no Asia lo aghime sholu keu nongu pelo mthano apenishi amoe. Kughengu shishe puqhe kümlapushi ningu ghimeve kehu ningu ye aküxü ghi pülü move.

SAMUEL ATUGHIU 17:37

Pa no itaghi pi, “Ampeu khuu abongshuu eno ava pukhumtsü lono I xaphelu keno Pa no Philistiami hipau u lono I xaphelu nani.” Saul no David vilo pi, “Wulo, eno Ampeu no o gholo apeniu!”