LESHELE 38:6 - Sumi Naga CL (Re-edited) Bible (BSI)

⁶ Ni ye pishepe ngo ani eno hedape auvae; atsala kupuju ni ye mloqa ani.

BAIBEL (BSI)

⁶ Niye pishepesu anie, niye hedapesu auvae; Atsala kupuju ino qa-mlo ani.

LESHELE 38:6 ပူးပေါင်းရင်းမြစ်များ

JOB 30:28

Khetsünhe no kumo, ikemu ni ye tsüngtsüi iqhoiqi cheni; kuho akelo I no puthugho no kuphu penike ighamkue.

JOB 7:5

I phiashi ye apithe ngo apiyikola no küzü luvae; I yiko no mkamghaive no ani pholeke.

LESHELE 107:17

Khami ye pano xine laghiqo vecheo mbomzü shive, eno pano kipimi vecheo aghime shi süve;

LESHELE 145:14

Veqhive niye akemi Ampeu no sünheqhe cheni eno khunono qhoqhü itsaqi ani keno pano xaqhe cheni.

LESHELE 31:10

Kughengu I küxü ye amlo ghime lono puwovae, eno I mpe ye amlo ghime tuthukishe lono puwovae; I xine ghenguno I küka ye tomlavae, eno I ghi ye aküka kühavae.

LESHELE 35:14

I no I küsau momu I thiküzüu ghenguno mloqa akeshi; eno milakhi no aza ghenguno mloqa akeshi, I no pishiqhope mloqae.

LESHELE 42:5

O I ngulho, kushiye aghüthisü eno I lolo pütaqhi ani kea? Alhou pükhü lo; kughengu ni ye itaghi Pa sheqhe nani, I xakuluu

LESHELE 42:9

I no I Lhou I tuqu vilo pi: “No ye kushiye I kümsümave ani kea? Kushiye I ghümi no I ghimeqhi keu ghenguno ni ye qanimlo ani kea?”

LESHELE 43:2

Kughengu No ye I no ijelu chekeu Lhou ke; No ye kushiye I milive akea? I ghümi no I ghime ke ghenguno ni ye kushiye mloqani kea?

LESHELE 57:6

Panongu no I pukhu lo ayitho thepe qhitsüe; I ngulho no aghimeküsa shive. Panongu no I la lo aqo chhupe qhi, ikemu pano likhi pano no tile ikiqi ilovae.

LESHELE 6:6

Amlo ghime lono ni ye akulho shivae; ni ye kijili atsütsü anhezü no I lüpa pütsü cheni; I küqa no I lakhü zapütsü cheni.

LESHELE 88:9

aghime lono I nhethi ye zamemeivae. Ghulo atsütsü I no O ku cheni, O Ampeu; I no O lau I u sükhope ani.

ISAIAH 38:14

Akhalu momu azüghau toi I sütsa ye tsütsüshi ighauvae; amiqhi toi akulhoshi igha auvae. I nhethi no kunguu jukeno khoivae. O Ampeu, I qaqhipe akelo I xaphetsü kepushi tha-lo tsülo!