LESHELE 37:25 - Sumi Naga CL (Re-edited) Bible (BSI)

²⁵ Ni ye lhothemi shiche no itehi ye kitemi shivae, ikemu amikuchomi pheve keu momu pa tianuli no khuchu cheghi keu ni ye ithulu mphie.

BAIBEL (BSI)

²⁵ Niye lhothemi shi xucheno itehiye kitemi shivae, ikemu AMPEU no timi kivimi pheve keu khilemu ithumla aphike, momu panuliqoye achuqupu khuchu cheghikeu ithumla aphie.

LESHELE 37:25 ပူးပေါင်းရင်းမြစ်များ

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

JOB 15:23

Pa no akuaqha lo achuqupu phuwu cheni, Aküzü tsala ye pa milepe ngovae pi pa no ithi ani;

JOB 4:7

Kümsüjulo: pimihami pühave pikeu khileala ithi anio? Momu khileno akümzümi sasü ayigheve kea?

LESHELE 109:10

Pa tianuli pelo kupokiche shi khuchu wuve pelo; panongu no ixapinyi ke-a lo xü akeu nguno putou achuqupu phuwu pelo!

LESHELE 112:2

Pa tikughukomi ye ayeghi lo akughushu shi nani; amikuchomi tianuli ye kükümgha shi nani.

LESHELE 25:13

Pa ngulho ye akivishi anani, eno pa tikughukomi no amheghi shi ayeghi ighilu nani.

LESHELE 37:28

Kughengu Ampeu ye kuchou xakütha kimiye cheni; Pa ye Paw timi phevemo nani. Panongu ye alholo püxü püacheni, ikemu kixikilami tianuli ye ikhive nani.

LESHELE 59:15

Panongu no achuqupu phusü iqhoiqi eno pano kive chhitoimo aye ighamku cheni.

LESHELE 71:18

Ikehu I no kitemi shive no asa mpave namu O küka pesü ighini keu tiqhelimi vilo sheshulu moke kutolo I pheve kevilo, O Alhou.

LESHELE 71:9

I no kitemi shive kelo I hapupove kevilo; I kumto hauve kelo I pheve kevilo.

LESHELE 94:14

Kughengu Ampeu ye Paw timi phevemo nani Pa ye Pa mheghi qhivemo nani;

AHOLE 13:22

Timi kivimi ye pa tianuli tianuli kutolo amheghi qhitsü cheni, ikemu axinemi küakini ye amikuchomi sala qhivetsü cheni.

ISAIAH 13:16

Panoqo nipu shipütha, aki xüve tsü eno angakughunuqo pano nhethe lono chisheqhi nani.

Apostolmi 21:16

Caesarea lo akhopemi khami no ningu gholo iqho eno nino ngoniye akeu kilo sawu. Aki mpeu ye Cyprusmi Mnason, akhopemi azüumi ke.

2 Kor. 4:9

shikighime cheni ikemu pheve chemoe; hekuluqhi ikemu kütsave chemoe;

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.