LESHELE 34:4 - Sumi Naga CL (Re-edited) Bible (BSI)

⁴ I no Ampeu phuighi kelo Pa no I khochile eno I kümsa kümtsü lono I xaphelue.

BAIBEL (BSI)

⁴ Ino AMPEU lau inikhu eno pano ikighini khochiletsu; Ikumsa kumtsu launo pano ikuqhopheke.

LESHELE 34:4 ပူးပေါင်းရင်းမြစ်များ

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

LESHELE 18:6

I mlo kighishi lono I no Ampeu kue; I Lhou lau I no akukuphu ghenguno ighamkue. Pa chineki lono Pa no I sütsa chilu tsü, Pa no I küqa chiluve tsüae.

LESHELE 22:24

Kughengu Pa ye aghime lo akemi ghime jukünatha momu jupe aphimqhüve chemoe, pa lau no Pa gi küsüve chemoe, ikemu pa no ighamku khu kelo chilu tsüe.

LESHELE 31:22

I kichiqhi kelau no I no pi, “Ni ye O zülono hapheve kemie.” Ikemu kughou I no akukuphu ghenguno O lau ighamku keno küpüqhiyi tsü penike I no qhüiniju keu sütsa Nono chilu tsüe.

LESHELE 35:27

Khunono I chipiu mikucho lo alokiqi shi cheni keno alovi ighamku eno amlo kiqishi tamono ishi pipelo, “Ampeu ye kije ke, Pa ye Pa qeu kivipu ghenguno azüküvü shi cheni!”

LESHELE 40:17

Ni ye kumlhomi eno akukuphu avehupu shi akemi ke, Ikemu Ampeu no I kümsülu tsüe. No ye I kukuphuu eno I xaphekuluu ke; Mtazü lo, O I Lhou!

LESHELE 46:2

Ikehu ayeghi sükinile namu ningu ye msamo nani, naghuto no azüghi lo ilove na,

LESHELE 56:3

Kughou I no msave keno, I no O shou I küpkhü qhike.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

JONAH 2:2

eno pi, “I no I ghime lono Ampeu lau ighae, eno Pa no I khochile tsü; Kithigha po lono I no ighamku, eno Nono I sütsa chilu tsüe.

MATTHEW 7:7

“Khulo, eno ti nongu tsü nani; phulo, eno nongu no phulu nani; kukhulo, eno nongu lau khaqhitsü nani.

Luke 11:9

Itaghi I no nongu vilo piani, khulo, eno ti nongu tsü nani; phulo, eno nongu no phulu nani; kukhulo, eno nongu lau khaqhi tsü nani.

2 Tim. 1:7

Kughengu Alhou no ni tsükeu ghungu ye, msaichi peniye ke kumoe, ikemu aküka kumto, kikimiye eno alikhi aghasülukeu ghungu ke.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”