LESHELE 34:14 - Sumi Naga CL (Re-edited) Bible (BSI)

¹⁴ Alhoksa lono tsüghüve no akivi mlalo; aloinokeu phulo eno ti papelo.

BAIBEL (BSI)

¹⁴ Alhoksa launo tsughuvelo eno akivi mlalo; omlo kuchopu pesu aloino keu pukaputsa phulo.

LESHELE 34:14 ပူးပေါင်းရင်းမြစ်များ

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

LESHELE 120:7

Ni ye külakishi ghenguno ke, ikemu kughou I no atsa pini keno, panongu no aghüshi kutouve cheni!

LESHELE 37:27

Alhoksa lono tsüghüve no akivi mlalo; nongu ye alholo ache nani.

LESHELE 39:2

I no atsa pimove no inaqhoive; tshamla namu I no kutuu ngoe, ikemu I ghime alau shikitheve.

AHOLE 13:14

Alokütsümi shiküka ye aküxü züpuki, tipau vecheo akithipu lichhe lono pojolu nani.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

AHOLE 4:24

Tuchighive keu tsa o kichi lono ikhivelo eno pishikiqhi tsa o launo putosüvelo.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

MATTHEW 5:9

“Külakishimi kümghapue, kughengu panongu ye Alhou tianuli ipi ku nani.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Rommi 12:18

Toluke thaqhü, o müzülou ye timi kümtsü sasü külakishi lono xülo.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

1 Thes. 4:11

eno nino nongu shikave ketoi iqüghai xüni keu, nongu luche lo amlo tsüno pütüta u no mla chuni keu no nongu kimji shilo,

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

1 Peter 3:11

pa ye alhoksa lono tsüghüwo akivi mla eno aloino keu phuno ti püzüsü wulo.

3 John 1:11

I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.