LESHELE 33:16 - Sumi Naga CL (Re-edited) Bible (BSI)

¹⁶ Akükau ye paw ghüshimi kutomo akeu vecheo xalu chemoe; aghütomi ye pa küka kije vecheo süsholu chemoe.

BAIBEL (BSI)

¹⁶ Akukau lakhiye pawu ghushimi kuka kumtono aghu tolu chenike kumoe; Aghutomi lakhiye pa kumtono aghu tolu chenike kumoe.

LESHELE 33:16 ပူးပေါင်းရင်းမြစ်များ

KUKAMI ATUGHIU 20:10

Ben-hadad no pa vilo pi puwu, “I papemi no Samaria yeghimkhu müdüniyi pewu khamla aye, alhouqo pelo alau I ghime peniu.”

KUKAMI ATUGHIU 20:15

Ikehu Ahab no atokujo lo angh qholo kijemi pano 232 hekütsülu. Eno panongu gholo Israelmi 7,000 hekütsü.

YEKIKITHI AKINIU 13:8

“Itehi nongu ye Ampeu no David laghami tsüve keu kükaqha sasü kumjoni ke kümsü no aqokitikhi kije cheni, eno nongu lhou shi penike Jeroboam no mlatsü keu ameshoyi mishitsüqo sasü cheni.

YEKIKITHI AKINIU 20:12

O ni Lhou, No ye panongu shou xakütha puku tsümo keshea? Kughengu hi aqokitikhi kije ni leniye chekemi zülo ningu ye aküka kühavae. Ningu ye kiu shikepu keno mthavae, ikemu ningu ye O lau ju anie.”

YEKIKITHI AKINIU 20:23

Kughengu Ammonmi ngo Moabmi no Seir Toghi lono ighi kemi lethuve eno tipaqo kütsave, eno kughou panongu no Seirmi pithi khave keno, itaghi panongu dolo lakhi no lakhi kütsa khave.

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

JOB 36:7

Pa ye amikuchomi launo Pa nhethi sükiqeve chemoe, ikemu alhokupuju ghenguno Pa no panoqo süsü no kükami gholo iqa no ayepe eno sheqhe achenipe.

JOB 39:11

Pa küka kumto kije ghenguno no ye pa pükhülu, eno o kümlapu pesü pa lau kulhuqhi tsülu nanima?

LESHELE 20:8

Tipaqo ye veqhive eno ikiqive, ikemu ningu ye ithughi no mtotoi puthugho luve nani.

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

IPEKULU 14:28

Azü no qochile ighi no khurkulu ngo khurshimi yimive; Pharaohw aqokitikhi azüghi lo panoqo hasü ighi keqo dolo khumu xümlave.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

JEREMIYA 48:14

“Nongu ye kishino ‘Ningu ye aghütomi eno aghükivimi’ ipi cheni kea?

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

HOSIYA 10:13

Nongu no axine hokide; nongu no achipikumo xolue; nongu no akimki xathi xochue. Kughengu nongu no nongu shou likhi eno now ghüshimi aqokitikhi shou pükhübeve,

AMUS 2:14

Akümthümi no pomlave nani, akumtomi no pa küka kühave eno aghütomiu ghi pa küxü xamlave nani;

AMUS 2:15

shexilika kipeu ghi puthugho mlave nani, eno apukhu kümthüu ghi pa ampi xamla nani, tike kumono khurshi sakicheu ghi pa küxü xamla nani;

JOSHUA 14:12

Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

XAKUTHAMI 7:2

Ampeu no Gideon vilo pi, “O gholo timi akeqo ye ihulo anike Ni ye Midianmi pesü ow timiqo u lo sütsü mlae, tikumo ye Israelmi no I qhive no aqheküza shi, ‘I u ampi no I xalue’ ipiuve nosae.

XAKUTHAMI 7:4

Ampeu no Gideon vilo pi, “Itaghi timi chilo aphi. Panongu sasü azü lo iqilo, tileno I no o ghenguno kishe tsüni. I no o vilo, ‘Hipau no o gholo wuni,’ ipikeu no o gholo wu nani, eno, ‘Hipau ye o gholo wumoe,’ ipikeu ye wumo nani.”

SAMUEL ATUGHIU 17:4

Tile Philistiami ghazü lono asachuu lakhi Gathmi Goliath ipikeu no khalau ipeghi, pa ye akushulau aunhekipshe toku.

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.