LESHELE 27:6 - Sumi Naga CL (Re-edited) Bible (BSI)

⁶ Itehi ye I ghümi I homxape akemi kümtsü shou I kütsü peqhe nani, I no Pa phiki lo ilo no alokivi shi ighamku aghakishi tsü nani; I no ale kungo pesü Ampeu lau shipili nani.

BAIBEL (BSI)

⁶ Ighumi isuhope akeqo shou ikutsu peqhelu nani, Alokivishi asheshuno pa chinekilo aghashi pe mlla nani. Ino alephe, AMPEU sheqhe nani.

LESHELE 27:6 ပူးပေါင်းရင်းမြစ်များ

BOTHUBO 40:13

Atsala küthü dolo Pharaoh no o kütsü peqhe tsüno ow hiyam lo süsüve nani, eno püzüu nono pa jukhu kipeu shiche ketoi Pharaoh jukhu pesü pa u lo sütsü nani.

BOTHUBO 40:20

Atsala aküthüu lo Pharaoh punu tsala shiae, pa no aghulhu lakhi pa qemi kümtsü ghenguno kuto eno pa qemi gholono ajukhu kipeu atou ngo asho kümlau atou pama kütsü peqhetsü.

SAMUEL AKINIU 22:1

Kughou Ampeu no aghümi eno Saul u lono David xaphelu keno, tipani no pa no ale hipau lono Ampeu pütsae.

SAMUEL AKINIU 22:49

I ghümi launo Pa no I xaphelu; I mjochile kemi shou I sünheqhe; küsaküghami launo I xaphelue.

SAMUEL AKINIU 7:9

Nono khile wu keno I no o gholo ae eno o ghümi kümtsü o zülono ikhive tsü. Eno ayeghi lo akighichemi toi I no o ghenguno aje kije shitsü nani.

KUKAMI AKINIU 25:27

Jehoiachin kügha sawuve keu mpe shighi akütsüniu, aqhi chighiakiniu, atsala muku akütsüniu lo Babylon kükau Evil-merodach no ayepe thuke lono, Judah kükau Jehoiachin küpüqhiyi akughu lono khaqhi pheve.

YEKIKITHI ATUGHIU 22:18

“Ampeu nongu Lhou ye nongu gholo küha keshea? Pa ye ala jeli lono aloino keu pesü nongu tsüke kumo? Kughengu Pa no hipa cheaxü lo ache kemi pesü I u lo sütsü no Pa eno Paw timiqo zülono ayeghi hi qhasülue.

LESHELE 107:22

Eno panoqo pelo shikimthikütsü ghakishi mlla pelo, eno alokivi le vecheo Pa kümlaqo pitsü pelo.

LESHELE 110:7

Pa no alaghi lo aghokiti akeu lono azü yelu nani, tighenguno pa ye pa kütsü süqhelu nani.

LESHELE 119:108

Iw shekiqhe pulokini kümllagho ikhilu tsülo, O Ampeu, eno Ow pimheye I shikalo.

LESHELE 138:5

eno panongu no Ampeu laghiqo shipili nani, kughengu Ampeu juküvü ye kije ke.

LESHELE 21:1

O Ampeu, akükau no O kumto lo alovi ani, eno Ow xakulu lo pa no kishi alovishe ani kela!

LESHELE 21:13

O Ampeu, O kumto lono O süqhelo! Nino O küka shipili eno sheqheni.

LESHELE 3:3

Ikemu, O Ampeu, No ye I vehope akeu züto ke, I juküvü, eno I kütsü peqhe kütsüu ke.

LESHELE 3:4

I no Ampeu vilo ighamku, eno Pa no Pa kimthe toghi lono I khochile tsüe.

LESHELE 47:1

Ashiayeqo, nongu u kukhulo! Alokivi le vekipighi phepe Alhou sheqhelo!

LESHELE 57:8

Ithu lo, I juküvü! Ithu lo, O akighilebo ngo küghaküsü lebo! I no tsükutho küda puthuni!

LESHELE 81:1

Ni kumto Lhou lau ighamku ale phelo; Jacob Lhou lau alokivi shi ighalo!

LESHELE 95:1

O ighilo, ningu Ampeu lau ale pheni; ni xakulu tuqu lau alokivi ghügha ighani nolo!

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

JEREMIYA 31:7

Kughengu Ampeu no ishi piani: “Jacob ghenguno igha ale phelo, eno shiye tomi ghenguno ighamku lo; asheshu lo, akishe tsüno pilo, ‘O Ampeu, Ow timi Israelmi ghükulumi xalulo.’

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,