LESHELE 25:3 - Sumi Naga CL (Re-edited) Bible (BSI)

³ Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

BAIBEL (BSI)

³ Opukhu chekemi ye kujove chemoe, ikemu khunono mighimghai omjochile cheni keno tipaqo pelo kujove pelo.

LESHELE 25:3 ပူးပေါင်းရင်းမြစ်များ

BOTHUBO 49:13

“Zebulun ye azüghimkü lo küghüna nani; pa ye zükiluqo kungo-a shi nani, eno pa lughi ye Sidon lo anani.

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

LESHELE 109:3

Akimthipu tsa no I sühope ani, eno kütsazü shi I ghime ani.

LESHELE 119:78

Aqheküzami pelo akukujo lo ilove pelo, kughengu panongu ye kichile pesü I lau akumou shivae; ikemu I ghengu ye, ni ye O kükütsü lo kümsüputho nani.

LESHELE 123:2

Julo, aqemi nhethi no pano mpeu u lo jupuku aketoi, aqelimi nhethi no pano mpeliu u lo jupuku aketoi, Pa no ningu shou kimiyeqhiyi tsümoke kutolo Ni nhethi no Ampeu ni Lhou lau jupuku anie.

LESHELE 132:18

I no akukujopu pesü pa ghümi pipe nani, ikemu küka kütsüqho no pa shou yepüvü nani.”

LESHELE 22:6

Ikemu ni ye pithe-ninga lakhi thono timi kumoe, timi jeli no I junuqhi eno timiqo no I jukünathae.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

LESHELE 31:17

O Ampeu, I pelo akukujo lo ilope kevilo, kughengu I no O vilo khu ani; küsaküghami pelo akukujo lo ilove pelo; pano pelo iqüghai Kithigha lo wuve pelo.

LESHELE 31:18

Kimkimi kichi no jukünatha ghi amikuchomi thogha eno aqheküza shi atsa pichekeu pimlave pelo.

LESHELE 33:20

Ni ngulho no Ampeu khe ani; Pa ye ni kukuphuu eno ni züto.

LESHELE 35:26

Khunono I mhekiqi lo alovi akeno pano pelo akukujo lo ilove eno aghüthisüve pelo! Khunono I lachile ghi pano ampi sheqhe cheni keno akukujo eno küthakügha phimini pepu pelo!

LESHELE 37:34

Ampeu ngokhe lo eno Pa laghi papelu lo, eno Pa no o xaqhe no ayeghi ighi lupe nani; kixikilami ikhive keu nono ithulu nani.

LESHELE 6:10

I ghümi kümtsü kujove nani eno shishe avesave nani; panongu ye idewove nani eno paikhavi shikujove nani.

LESHELE 62:1

I ngulho no iqüghai Alhou likhi ngokhe acheni; Pa launo Iw xakulu ighi cheni.

LESHELE 62:5

O I ngulho, iqüghai Alhou likhi ngokhe lo, kughengu I küpkhü ye Pa lau ani.

LESHELE 69:4

Kütsazü shi I mithi chekemi no I kütsüsa nguno akichiu ani; akimki lono I ghüzani ye akemi, I kütsani ye akemi ye akumtomi ke. I no püka lumomu ni ye itehi ti lochileve masa keshea?

LESHELE 69:6

I vecheo O pükhü chekemi pelo kujovepe kevilo, O Ampeu, aqokitikhi Lhou; I vecheo O phuche kemi pelo ajuaje küsa shivepe kevilo, O Israel Lhou.

LESHELE 71:13

I nguku akeqo pelo kujove eno pühave pelo; I ghüza niye akemi pelo atiche shive no kujove pelo.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

AKUMLO 3:25

Ampeu ye khunono Pa pükhü, eno Pa phucheni keno tipaqo ju alo cheni.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

John 15:25

Ikemu panongu Yezah lo yepüakeu tsa ye shikupu masae: ‘Jekujeli kühamu panongu no I mithike.’

Rommi 8:25

Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.