LESHELE 25:12 - Sumi Naga CL (Re-edited) Bible (BSI)

¹² Khuu no Ampeu sümsa cheni kea? Pa no wukepu laghi ye Ampeu no kishetsü nani.

BAIBEL (BSI)

¹² Timi khunono AMPEU sumsa cheni keno pano panonguno pula kepu laghi kishetsu cheni.

LESHELE 25:12 ပူးပေါင်းရင်းမြစ်များ

BOTHUBO 26:2

Ampeu no pa lau ipeghi no pi, “Egypt yeghi lo iqi kevilo; I no ayeghi khikhi o piyeni keno tile küghüna lo.

LESHELE 111:10

Ampeu sükümsa ye alokütsü boqha ke; khunono tipau pape cheni keno vethakulu kivi ani. Pa shekiqhe ye alhokupuju ache nani!

LESHELE 32:8

Nono wu masa keu laghi lo I no o kütsü shika nani; I nhethi pesü o shou jupuku no I no o vilo piputoni.

LESHELE 37:23

Kughou Ampeu no milakhi jupe amloqi luni keno pa laghi iqhikumto tsü cheni;

IPEKULU 4:15

Nono pa pütsa no pa kichi lo atsa sütsülo, I no o gholo eno pa gholo anani eno kiu shikepu keno I no nokujo shika nani.

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

AHOLE 15:33

Ampeu sükümsa ye alokütsü kükütsütsa ke, agigihu ithulu mphi züuno aqhokigheu shimasae.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

AHOLE 2:5

tileno nono Ampeu sükümsa ye kiu keno vethalu nani eno Alhou kighithi phulu nani.

AHOLE 2:9

Nono I tsa ini aye achipiu eno amikucho, aghibiu eno alaghi kivi kümtsü ithikuthulu nani;

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Apostolmi 10:2

Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 11:14

pa no o vilo atsape sheshu nani eno tipa vecheo no eno o kibolomi kümtsü xaluve nani.’

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

JOSHUA 3:4

Tishikeu lono nongu no khipa la wukepu keno ithi nani, kughengu nongu ye püzüu hipa la ighi mphike. Ikemu Puloshoqhi Bohu kupunu wumono nongu dolo kilometer lakhi toike qhino wulo.”

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

SAMUEL ATUGHIU 9:6

Ikemu pa no pi, “Julo, mishighüna hipau lo Alhou timi lakhi ani, eno pa ye agigihu akemi; pa no pikeu kümtsü kuchou shive cheni. Tighenguno itehi nikujo tilau wuni. Nikujo no wukepu laghi pa no kichepiye luvike.”