LESHELE 19:7 - Sumi Naga CL (Re-edited) Bible (BSI)

⁷ Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

BAIBEL (BSI)

⁷ AMPEU yezah ye kupukulayike, tino aghuthi puxutsu cheni. AMPEU no shilo pikeu yezah ye achipi, alokutsu kuhakemi pelo tsukhuilu chenipe.

LESHELE 19:7 ပူးပေါင်းရင်းမြစ်များ

SAMUEL AKINIU 23:5

“I kibo ye titoi Alhou gholo puthugho acheni kekumo? Kughengu Pa no I sasü lhokta puloshoqhi shivae, thokha kithikiyi eno mtotoivae. Kughengu Pa ye I kuphutsü eno I kimji shikupu tsümoni keshea?

JOB 23:12

Ni ye Pa no piqhikeu zakütsü qhive mphi; Pa no pikeu tsa no I chuqupu nguno akughupu shicheni.

LESHELE 111:7

Pa u no mlakeu kümtsü pükhükulupu eno achipi ke; Pa zakütsü kümtsü pükhübekulu ke;

LESHELE 119:105

O tsa ye I pukhu lo akulu eno I laghi lo aküvü lakhi ke.

LESHELE 119:111

O zakütsüqo ye lhokta kutolo I mheghi ke, kughengu tipaqo no I mlo lo alokivi süghi tsü cheni.

LESHELE 119:130

O tsa hephopiye keu no aküvü tsü cheni; tipau no akümthami lau vethakulu süghi cheni.

LESHELE 119:14

Aküakini kümtsü nguno alau, ni ye O zakütsüqo laghi lo azüküvü shi cheni.

LESHELE 119:152

Khaghi no ni ye O kükütsüqo ithivae, Nono tipaqo pelo alhokupuju acheni peke.

LESHELE 119:24

O kükütsüqo ye I züküvüpu; tipaqo ye mijekütsümi ke.

LESHELE 119:72

O kichi lono pikeu yezah ye I ghenguno ameshoyi ngo ghükayi qhethonhe nguno akiviu ke.

LESHELE 119:9

Lhothemi lakhi ye kishino pa laghi mqhamqhilu nani kea? O tsa kiqi lono pa laghi jukuto keu vecheo ke.

LESHELE 18:30

Alhou hipau—Pa laghi ye kupukülai; Ampeu tsa ye kuchou kepi kiqiphe lue; khunono Pa launo sükusho lucheni keno Pa ye tipano züto ke.

LESHELE 23:3

Pa no I ngulho püxütsü. Pa ju aje ghenguno Pa no achipiu lalo I sawu.

LESHELE 93:5

O Ampeu, O yezah ye pükhübekulu ke; O chineki ye kuchou no akimthe ke, O Ampeu, alhokupuju kutolo ke.

AHOLE 1:4

itikütüpa kemi loshipütsü tsüno akighithi eno kimchikulu pesü lhothemi tsünike—

ISAIAH 8:16

I no kütsü shikave keu tsape liküzü no mekhape I papemi gholo qhivelo.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

Apostolmi 10:43

Pa pülü kemi kümtsü no pa je vecheo axine qhikütsü ithulue pi tungkupmi kümtsü no pa shepe shipüani.”

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

Rommi 3:2

Kuchou no pithuni keloye ala kümtsü lono thono, Alhou tsape ye Jewmi lau tsü paghie.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

JOSHUA 1:8

Ayezah kaku hipau ye o kichi lono ikhive kevilo ikemu no ye tile yepüa keqo pekupu lunike ghenguno, putho pucho tipau shou kümsüputho alo.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.