LESHELE 143:10 - Sumi Naga CL (Re-edited) Bible (BSI)

¹⁰ O pulou shinike I shika piyelo, kughengu No ye I Lhou ke! O Ghungu kivi no müdüniyi keu aqa yeghi lo I sache pelo!

BAIBEL (BSI)

¹⁰ Noye iLhou ke, opulou shipe nike ishikapiyelo. Ilau akivi shitsulo eno ala kumzulo isachelo!

LESHELE 143:10 ပူးပေါင်းရင်းမြစ်များ

NEHEMIA 9:20

O Ghungu kivi Nono panongu tsü, pano launo Ow manna süchileve moe eno pano tüghü ghenguno azü tsüke.

LESHELE 118:28

No ye I Lhou, I no shikimthi keu O tsüni; No ye I Lhou; I no O sheqheni.

LESHELE 119:12

O Ampeu, O sheqhe ani; O kükütsüqo I shika piyelo!

LESHELE 119:35

O zakütsü laghiqo lo I sachelo, kughengu ni ye tipau lono I züvülu cheni.

LESHELE 139:24

Eno I lolo kixikila kiukiumu aghini mala jutsülo; eno lhokta laghi lo I sawulo!

LESHELE 140:6

I no Ampeu vilo pi, No ye I Lhou, kimiyeqhiyi penike I no qhüiniju keu sütsa chilu tsülo O Ampeu!

LESHELE 22:1

I Lhou, I Lhou, No ye kushiye I qhive akea? Kushiye I xaluni keu, I ghime lono putosüve ani kea?

LESHELE 23:3

Pa no I ngulho püxütsü. Pa ju aje ghenguno Pa no achipiu lalo I sawu.

LESHELE 25:12

Khuu no Ampeu sümsa cheni kea? Pa no wukepu laghi ye Ampeu no kishetsü nani.

LESHELE 27:11

O laghi I shika tsülo, O Ampeu, eno müdüniyi keu laghi lo I sawulo kughengu I ghümi kutomo ani.

LESHELE 31:14

Ikemu ni ye O pükhü ani, O Ampeu; I no pi, “No ye I Lhou ke.”

LESHELE 63:1

O Alhou, No ye I Lhou ke; I no puloniqhiyi O phucheni; I ngulho no tüghüthi O laju ani; qhai eno aghime yeghi khile azü küha keno tile akeshi I phi-ashi no thiqhi O laju ani.

ISAIAH 29:10

Kughengu Ampeu no züchei keu ghungu nongu shou pukuvae, nongu tungkupmi nhethi kiyikhave tsüno nongu kütsü nhave tsüae.

ISAIAH 63:14

Pichepighi lhoxüqo no akhila lo iqiche keshi, Ampeu Ghungu no panoqo kulhoqhi tsüe. Ikehu no ye ow timiqo saphe, eno O likhi O juküvü ghenguno tishike.

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

AKIKIHI 9:22

Atsala kini, momu aqhi ampe kutolo mu khüngküsü no Aphiki shou ake tivilo panongu ye itha mono ngoveche, eno tino ikuve kethiuno wuche.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 15:30

Athiküzümiqo, ni Mpeu Jisü Khristo eno Aghungu kikimiye vecheo I no hakite ani: I no aghimeküsa shi akelo nongu kighini lono I züqhushi Alhou lau khu tsülo;

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

Rommi 8:26

Tihutoi ningu no miqemlei akelo Aghungu no ni kuphutsü cheni. Kughengu ningu ye kishi inikhu kepu keno mthae, ikeghi Aghungu ampi no atsa lono pikhamla keu mlo ghuju ghügha lono ningu ghenguno qhüiniju tsü cheni.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

Ephesiami 5:9

(Kughengu aküvü lo cheche keu lono akivipu, achipiu eno kuchou xathi ithulu cheni).

2 Tim. 1:7

Kughengu Alhou no ni tsükeu ghungu ye, msaichi peniye ke kumoe, ikemu aküka kumto, kikimiye eno alikhi aghasülukeu ghungu ke.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.