LESHELE 138:3 - Sumi Naga CL (Re-edited) Bible (BSI)

³ I no O kuke tsala lo Nono I khochile; Nono I ngulho lo aküka mtotoilu peke.

BAIBEL (BSI)

³ Ino okuke tsalalo nono ikhochile tsuke, okumto pesu ingulho kumtopu shitsuke.

LESHELE 138:3 ပူးပေါင်းရင်းမြစ်များ

LESHELE 18:6

I mlo kighishi lono I no Ampeu kue; I Lhou lau I no akukuphu ghenguno ighamkue. Pa chineki lono Pa no I sütsa chilu tsü, Pa no I küqa chiluve tsüae.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

LESHELE 28:7

Ampeu ye I kumto eno I züto ke; I mlo no Pa pükhü ani, eno ni ye akukuphu ithuluvae; I mlo lono aloviqhiyi ani, eno I le kungo pesü Pa shikimthi ani.

LESHELE 29:11

Ampeu no aküka kumto pesü Paw timiqo tsü peniu! Ampeu no aloino keu pesü Paw timi kümgha tsü peniu!

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

LESHELE 63:8

I ngulho no O mtupe ani; I no O u ajeu sünhepe ani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 65:24

Panongu no I kumphi lono I no khochile nani; panongu no pi aphi lono I no chiluve nani.

AKUMLO 3:57

I no O ku kelo Nono kupunu ighi no pi, ‘Msa kevilo!’

DANIEL 10:18

Itaghi timi ju kimihi lakhi no I buno I shikumtove.

DANIEL 10:19

Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

ZEKHARIA 10:12

I no panoqo pesü Ampeu gholono mtotoi penani, panongu no Pa je lono xünani,” ipi Ampeu no asheshue.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

Ephesiami 6:10

Ashekhashi, Ampeu küka kumto lono mtotoi shilo.

FILIPIAMI 4:13

Khristo no I shikumto keu vecheo ni ye thokha shilu nani.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.