LESHELE 134:1 - Sumi Naga CL (Re-edited) Bible (BSI)

¹ Ighilo, nongu Ampeu qemi, puthotsü Ampeu kilo ache kemi kümtsü, Pa sheqhelo!

BAIBEL (BSI)

¹ Ighilo, AMPEU sheqhelo, nongu AMPEU qemi kumtsu, nongu puthotsu pa chinekilo pa qechekemiqo!

LESHELE 134:1 ပူးပေါင်းရင်းမြစ်များ

YEKIKITHI ATUGHIU 9:23

Ikehu pano laghami pesü Ampeu Phiki kulaghi khemi shi penike pichetsü.

YEKIKITHI ATUGHIU 9:27

Panongu ye Alhou ki kümxa lo ache, kughengu tipau jukuto kheni keu, eno inaqhe atsütsü ti khaqhini keu makho ye pano shou betsü kehue.

YEKIKITHI ATUGHIU 9:33

Levi lagha lo atomi khami alephemi akeqo ye kütau kümla kiumu shimono achineki lo ngoche, kughengu panongu ye putho pucho tilehi pano kümlapu acheke.

YEKIKITHI AKINIU 29:11

I nuliqo, itehi ye kughucho kevilo, kughengu Ampeu no nongu pelo Pa zülo puthugho no Pa huthu penike, Pa qemi shi penike eno akümllagho Pa tsü penike nongu kishelue.”

YEKIKITHI AKINIU 35:5

Eno achinemi kumomi no thiküzümi ali kiqi lono, eno Levimi no alimi kiqi lono kije püake toi Akimthe-a lo puthugho lo.

NEHEMIA 12:9

Eno Bakbukiah, Uni ngo pama thiküzümi no alephemi ghüngüu puthugho che.

LESHELE 103:21

Ampeuw aqokitikhi kümtsü, Pa qemi khunono Pa pulou shicheni keno, Ampeu sheqhelo!

LESHELE 113:1

Ampeu sheqhelo! O Ampeu qemiqo, Pa sheqhelo! Ampeu je sheqhelo!

LESHELE 120:1

I ghime kitikhi lono I no Ampeu kue, eno Pa no I khochile.

LESHELE 121:1

Ni ye naghuto lo jupukuni. Khilau no I kukuphu ighi cheni kea?

LESHELE 122:1

Kughou panongu no I vilo, “Ningu Ampeu kilo wuni nolo,” ipi keno ni ye alovive.

LESHELE 123:1

O No khuu kungugha lo ayekipe lakhü lo iqa ani keno, O lau I no jupuku ani!

LESHELE 124:1

Ampeu no ningu küdau aghimo keaye— Israel pelo itehi pi pelo—

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

LESHELE 126:1

Kughou Ampeu no Zion ngukümgha tsüchile keno, ningu ye asamo pumo chekemi toive.

LESHELE 127:1

Ampeu no aki shiqhe tsümo aye, aki kishimi no aghime shi aju püka akeu ye adoue. Ampeu no mishighüna khekuto tsümo aye, aghukheu no khekuto akeu ye adoue.

LESHELE 128:1

Khuu no Ampeu sümsa eno Pa laghi lo checheni keno pa ye alokivipue!

LESHELE 129:1

“I lhothe lono panongu no shishe I ghime ighivae”— Israel pelo itehi pi pelo—

LESHELE 130:1

Akuthoku lono I no O lau ighamku ani, O Ampeu!

LESHELE 130:6

aghukhemi no tsükutho ngokhe keu nguno alau aghukhemi no tsükutho ngokhe keu nguno alau I ngulho no Ampeu khe ani.

LESHELE 131:1

O Ampeu, I mlo ye qheza chemoe; I nhethi ye ighono tsütsüngoju chemoe; ni ye thime ighono kije eno shishe akümzapuqo lo chhosü chemoe.

LESHELE 132:1

O Ampeu, David no shiluküsa lo kutuu keu kümtsü je lono pa kümsülu lo,

LESHELE 133:1

Julo, kughou athiküzümi no küqhakulu lono xüni keno, ti ye kiutoi jukighilepu eno akivi kelae!

LESHELE 84:5

Khuno kumto O launo ithulu cheni keno, khuno mlo lo Zion lo kuwu laghi ani keno alokivipue.

ACHINE 8:35

Ampeu no hakite keu kiqi lono nongu ye kuposhukulu phiki kulaghi lo putho pucho atsala tsüni ngono shilopi keqo mlaithani, tishikeu lono nongu ye thimo nani, azah I tsü püakeu ye hipau ghenguno ke.”

Luke 2:37

eno tithiu chimemi shive no apunu mpe lhotache bidi shia. Li ye achineki qhive mono putho pucho kümvü eno akighini shi Alhou mllache.

ZAKINIU 10:8

Tipa ghuloki lono Ampeu no Levi laghami pelo Paw Puloshoqhi bohu pe penike, Pa huthu, eno Pa je sheqhe penike kishe kütüta shie. Ti ye ishi kutolo tishi chephie.

Piyeküsü 19:5

Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”

Piyeküsü 7:15

“Ikehu panongu ye Alhou kükalakhü zülo ngono putho pucho Pa chineki lono Pa huthu acheni; eno Khuu kükalakhü lo iqa ani keno Pa ampi no panoqo süsho nani.