LESHELE 129:5 - Sumi Naga CL (Re-edited) Bible (BSI)

⁵ Zion mithi chekeqo kümtsü akukujo lo ilove no idechile wove pelo!

BAIBEL (BSI)

⁵ Zion mithichekemi pelo kujoveno shothive pelo.

LESHELE 129:5 ပူးပေါင်းရင်းမြစ်များ

NEHEMIA 6:16

Kughou ni ghümi kümtsü no hi chilu keno, shiye ni hokümxa lo küami kümtsü msave eno panongu nguagha ye shishe thibuive, kughengu akümla hi ye Alhou kukuphu lono kepi panongu no ithive.

ESTHER 6:13

Eno Haman no pa nipu Zeresh ngo pa küsami vilo pa lau kiu shive keno kümtsü pive. Tile pa küsami alokütsümi ngo pa nipu Zeresh no pa vilo pi, “Tsala Mordecai, khuu zülo nono ikiqive akeno, pa no Jewmi shi aghi aye, no ye pa theqhi lumo nani ikemu mtsüqheino pa zülo ikiqive nani.”

ESTHER 9:5

Jewmi no azütakikihi pesü pano ghümi ghiqhi eno panongu kütsave, panongu no pano mithi akeqo lau pulo aketoi shive.

LESHELE 122:6

Jerusalem lokughunopu ghenguno inikhulo! “Khunono O kimiye cheni keno sükusho lo apelo!

LESHELE 40:15

Khunono I vilo, “Aha, Aha!” ipi ani keno pano pelo akukujo vecheo thibuive pelo.

LESHELE 71:13

I nguku akeqo pelo kujove eno pühave pelo; I ghüza niye akemi pelo atiche shive no kujove pelo.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 29:8

Müzüthi akemi no asamou no chu apüzü amzü ghapiqi mlano ithughi keshi, momu tüghüthi akemi no asamou no azü ye apüzü atüghü ghapiqi mlano ithughi keshi, Zion Toghi sasü aghüshi akeqo shiye kitikhi ghi titoive nani.

ISAIAH 37:22

Ampeu no pa ghenguno pikeu tsa hike: “Zion limi alhotheqo no o cheqhi eno o jukünatha ani; Jerusalem limi no o thiu no akütsü küngüpe o junuqhi anie.

ISAIAH 37:35

Kughengu I je ghenguno eno I qeu David jelono I no mishighüna hipau süshope anani.”

MICAH 4:11

Itehi ye shiye kutomo no hekütsüpe o mjochileni ke piani, “Li shikitiqe lo, ni nhethi no Zion shou jupukuni.”

ZEKHARIA 12:3

Tipa tsalani I no ashiaye kümtsü ghenguno Jerusalem pesü atu kimshi toi shitsü nani. Mtsüqheino ti peqheju kemi kümtsü no izave nani. Ayeghiqha lo shiye kümtsü no hekütsü pe tipau mjochile nani.

ZEKHARIA 12:6

“Tipa tsalani I no ami kuchughei hipe asü dolo sükeshi Judah laghami pesü aghijini pholo akulu küqüsü nani. Eno panongu no hokümxa lo ashiaye ajeu ngo piyiu akeqo kümtsü kütsave no Jerusalem ye itaghi tipa-a lo küghünauve nani.”

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!