LESHELE 112:4 - Sumi Naga CL (Re-edited) Bible (BSI)

⁴ Timi kivimi ghenguno aküvü no aküzü lo yepüvü tsü nani, pa ye küpüqhiyi, kimiyeqhiyi eno amikucho ke.

BAIBEL (BSI)

⁴ Timi kivimi ghenguye akuvuno akuzulo yepuvutsu ketoi nani, pa kumlapu amikucho lono peitha kemi lokivipue, timi kimiyekinimi amikuchomiye tishi nani.

LESHELE 112:4 ပူးပေါင်းရင်းမြစ်များ

JOB 11:17

O küxü ye puchou nguno vü nani; eno aküzü tsala no inaqhe toi nani.

JOB 22:28

Nono xatha keu kümtsü o ghenguno shikuputsü nani, o la lo aküvü no yepüvütsü nani.

JOB 29:3

tipa ghuloki loye Pa kulu no I kütsü shou yepe ache, eno I no Pa küvü lono aküzü vechesü wucheke,

LESHELE 106:1

Ampeu sheqhelo! Shikimthi keu pesü Ampeu tsülo, kughengu Pa ye aloke, Paw iqemokeu kikimiye ye alholo acheni!

LESHELE 116:5

Ampeu ye küpüqhiyi, eno amikucho ke; ni Lhou ye kimiyekini ke.

LESHELE 145:17

Ampeu ye Pa laghi kümtsü lo amikucho eno Pa kümla kümtsü lo kimiyekini ke.

LESHELE 37:6

Pa no o mikucho pesü aküvü toi yepüvü tsü nani, eno o chipiu pesü puchomghü toive tsü nani.

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

AHOLE 21:21

Khunono achipiu mikucho eno kimiyeqhiyi keu phucheni keno aküxü kivi eno agigihupu phulu nani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 58:10

tsala nongu no müzüthi kemi achuqupu tsü aye eno ichheime akemi mlo vepiqitsü aye, nongu küvü ye aküzü shou yepüvüve nani, eno nongu küzü ye puchomghü toive nani.

ISAIAH 58:8

Tishiaye, nongu küvü ye tsükutho küvü toi ipeghi nani, eno nongu shou shikipivi ye itheno ighive nani; nongu chipiu no nongu züu shino wu nani; eno Ampeu juküvü no nongu thiu nongu khe nani.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

Luke 6:36

Nongu Papu no kimiyekini no chhitoi ketoi nongu ghi kimiyeqhiyi lo.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

Ephesiami 4:32

Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

Ephesiami 5:15

Tishiaye nongu no kishi checheni keno jukuto lo, mbomzümi toimo no alokütsümi shi püzü

Ephesiami 5:9

(Kughengu aküvü lo cheche keu lono akivipu, achipiu eno kuchou xathi ithulu cheni).

1 John 2:29

Tsala nongu no Khristo ye amikucho kepi ithi aghi aye, achipiu-mikucho pesü xüche kemi kümtsü Alhou nuli kepi nongu no thebeilu nani.

1 John 3:10

Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

1 John 3:7

Atianuliqo, khunomu nongu pishiqhipe kevilo. Khukhumu achipiu-mikucho pesü xüche kemi ye Khristo no amikucho kehu pa ghi amikucho ke.