LESHELE 11:7 - Sumi Naga CL (Re-edited) Bible (BSI)

⁷ Kughengu Ampeu ye amikuchoe; Pa no amikucho kümla kimiye cheni; amikuchomi no Pa gi ithulu nani.

BAIBEL (BSI)

⁷ AMPEU ye amikuchoke eno akumla kivi shikeu kimiye cheni; khuno tipaqo shicheni keno pa zulo xulu nani.

LESHELE 11:7 ပူးပေါင်းရင်းမြစ်များ

JOB 36:7

Pa ye amikuchomi launo Pa nhethi sükiqeve chemoe, ikemu alhokupuju ghenguno Pa no panoqo süsü no kükami gholo iqa no ayepe eno sheqhe achenipe.

LESHELE 146:8

Ampeu no anhechemi nhethi khaqhi tsücheni; khunono qhoqhü itsaqi cheni keno Ampeu no xaqhe cheni; Ampeu no amikuchomi kimiye cheni.

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

LESHELE 21:6

Kughengu Nono pa pesü alholo shishe akümghau shitsü; Nono ighikeu lokivi no pa pelo alovi lupe.

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

LESHELE 33:5

Pa ye achipiu mikucho eno kuchou xakütha kimiye cheni; Ampeuw iqemokeu kikimiye no ayeghi chhi ani.

LESHELE 34:15

Ampeu nhethi ye amikuchomi shou jupuku cheni eno Pa kini no panoqo ghügha chilu tsü cheni.

LESHELE 37:28

Kughengu Ampeu ye kuchou xakütha kimiye cheni; Pa ye Paw timi phevemo nani. Panongu ye alholo püxü püacheni, ikemu kixikilami tianuli ye ikhive nani.

LESHELE 42:5

O I ngulho, kushiye aghüthisü eno I lolo pütaqhi ani kea? Alhou pükhü lo; kughengu ni ye itaghi Pa sheqhe nani, I xakuluu

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

LESHELE 45:8

Ow chijeboike phi ye myrrh, aloe, eno cassia xono chhitoi. Akühaghi no ananu shikeu kighiki lo akighilebo no o lopivi tsüe;

LESHELE 5:12

Kughengu Nono amikuchomi kümghatsü cheni, O Ampeu; Nono kikimiye pesü azüto toi pa küzüpe acheni.

LESHELE 7:11

Alhou ye amikucho xaküthau, Pa ye tsalakipe alhoksa shou axuide chekeu Lhou ke.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

LESHELE 99:4

Akükau no pa kumto lono kuchou xakütha kimiye cheni. Nono kümtsü lau aghibiu shi; Nono kuchou xakütha süghi eno Jacob lau achipiu mikucho süghike.

AHOLE 15:9

Kixikilami laghi ye Ampeu zülo aphikümqhüpue, ikemu Pa no achipiu mikucho phukemi kimiye cheni.

ISAIAH 61:8

Kughengu ni Ampeu ye achipiu xakütha kimiye; I no aküpka ngo akumou mithi ke; I no amikucho lono panongu asaxü tsü nani, eno I no panoqo sasü lhokta ghenguno puloshoqhi shi nani.

1 Peter 3:12

Kughengu Ampeu nhethi ye amikuchomi shou acheni, eno Pa kini kughope pano kighini initsü cheni. Ikemu Ampeu ye alhoksa shiche kemi mjochile cheni.”

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Piyeküsü 22:4

Panongu no Pa gi ithulu nani, eno Pa je no panongu kishe lo anani.