LESHELE 11:4 - Sumi Naga CL (Re-edited) Bible (BSI)

⁴ Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

BAIBEL (BSI)

⁴ AMPEU ye pa chineki kimthelo ani pa kuka lakhuye kungughalo ani. Paye timi nuliqo jukuto acheni eno panonguno kiu shikeno ithi acheni.

LESHELE 11:4 ပူးပေါင်းရင်းမြစ်များ

YEKIKITHI ATUGHIU 17:5

Kughengu Egypt lono Israel saipeghi ke tsala lono Ni ye ishi kutolo aki lo ngoju mphi, ikemu aphiki lo ngono a-a lakhi lono lakhiu lo iqesü chephi.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

JOB 24:23

Pa no sükusho pesü tsükeu lono panongu ye mtotoi luvi, ikemu Pa nhethi no pano küxü jukuto acheni.

LESHELE 103:19

Ampeu no kungugha lo Pa kükalakhü kutovae, Pa kükaqha no kümtsü shou ayepe cheni.

LESHELE 113:5

Ampeu ni Lhou khuu kungugha lo ani keno Pa toike khuu ani kea?

LESHELE 139:23

I phujulo, O Ampeu, eno I mlo ithi tsülo! I pejulo eno I kükümsü ithi tsülo!

LESHELE 14:2

Ampeu no kungugha lono pishipiqi timi nuli lakhi nomu vethalu no Alhou phuju cheni kemo keno jucheni.

LESHELE 18:6

I mlo kighishi lono I no Ampeu kue; I Lhou lau I no akukuphu ghenguno ighamkue. Pa chineki lono Pa no I sütsa chilu tsü, Pa no I küqa chiluve tsüae.

LESHELE 2:4

Atsütsü lo iqa akeu huno junu ani; Ampeu no panoqo jukünatha ani.

LESHELE 33:13

Ampeu no kungugha lono jupiqi ani; Pa no timi nuli kümtsü ithulu cheni;

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

LESHELE 66:7

Pa no Pa kumto lono alhokupuju ayepe cheni, Pa nhethi no shiyeqo shou jupuku cheni— hekibidemi pelo pano ampi süqhe ape kevilo.

LESHELE 9:11

Ampeu, Zion lo kükalakhü lo iqa akeu lau shekiqhe le phelo! Ashiayeqo vilo Pa kümla pilo!

AHOLE 15:3

Ampeu nhethi ye a-a kümtsü lo alhoksami ngo akivimi jukuto acheni.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

MICAH 1:2

Inilo, nongu ashiaye kümtsü; amlo tsüqhiyilo, O ayeghi, eno tile akeqo kümtsü, Ampeu Alhou pelo Pa kimthe chineki lono nongu shou thopi shipelo.

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

ZEKHARIA 2:13

Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

MATTHEW 23:21

Eno khuu no achineki jeku ashoqhi shini keno, pa ye tipau eno tile akeu Alhou jeku ashoqhi shi ani.

MATTHEW 5:34

Ikemu I no nongu vilo piani, kiu shoqhimu shi kevilo, tike kumono kungugha mu jeku kevi, kughengu ti ye Alhou lakhü-a ke, ayeghi mu jeku kevi, kughengu ti ye Pa pukhu kinepu-a ke,

Apostolmi 7:49

“‘Kungugha ye I küghüqa-a, eno ayeghi no I pukhu kinepu-a ke. Nongu ye I sala kiu toike ki shini, momu I kulhokiqhi-a ye kiu kea? ipi Ampeu no pi.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

Piyeküsü 4:2

Paikhavi Aghungu no I peitha luve, eno julo, kungugha lo kükalakhü aghi eno timi lakhino tile iqa aghi.